Bügın H.Bökeeva atyndaǧy qazaq drama teatrynda ötken «Ūstazym, senıŋ är künıŋ, är sätıŋ tūrǧan bır erlık» atty merekelık şarada «Oral qalasynyŋ qūrmettı pedagogy» anyqtalyp, üzdık ūstazdar marapattaldy.
Oral qalalyq bılım beru bölımı ūiymdastyrǧan şarada teatr foiesıne bılım beru ūiymdarynyŋ daiyndaǧan kompozisiialary men respublikalyq olimpiada jüldegerlerın daiyndaǧan ūstazdardyŋ suretterı qoiyldy.
Ūlt ūstazy Ahmet Baitūrsynūlynyŋ 150 jyldyǧymen tūspa-tūs kelgen merekelık jiyn aǧartuşyǧa arnalǧan qoiylymmen bastau aldy. Qala äkımı Mirjan Satqanov pedagogter men sala ardagerlerın käsıbi merekemen qūttyqtady.
- Qūrmettı pedagogter, ardager-ūstazdar! Sızderdı käsıbi merekelerıŋızben şyn jürekten qūttyqtaimyn. Ūstazdyq – kez kelgen azamattyŋ tūlǧa bolyp qalyptasuyna ölşeusız üles qosatyn mamandyqtyŋ töresı, qasterlı esım. Ūstazdar – balalarǧa bılım berıp, ūrpaǧymyzdy otanşyldyq ruhynda tärbieleitın eŋ myqty jandar. Qalamyzdaǧy bılım beru ūiymdarynda 7 myŋǧa juyq ūstaz qyzmet etedı. Olardyŋ aldynda keleşekte elımızdıŋ damuy jolynda eŋbek eter 58 myŋdai şäkırt bılım men tärbie aluda. Ūstazdardyŋ eŋbegınıŋ nätijesınde bılım salasynyŋ tabystary jyl sanap artuda. Oquşylarymyz türlı dodalarda üzdık atanuda. Qala komandasy pändık olimpiadada oblys komandalary arasynda tūraqty bırınşı orynda. №38 Ä.Moldaǧūlova atyndaǧy mektep-liseiı respublikadaǧy üzdık 100 mekteptıŋ qatarynda. M.Mämetova atyndaǧy №27 mektep-liseiı ūlttyq bıryŋǧai testıleu nätijesınde üzdık 100-dıkte. Qazaqstannyŋ talantty balalary «El ümıtı» ensiklopediiasyna Oral qalasy mektepterınen 75 üzdık oquşy endı. Respublikalyq, halyqaralyq jarystarda Oraldyŋ, Batys Qazaqstannyŋ atynan qatysyp, üzdık atanyp jürgen şäkırtterımız köp. Osyndai şäkırtterımızdıŋ bılımge qūştarlyǧyn oiatyp, talantyn şyŋdap, biıkke jetelep jürgen ūstazdarymyz – Sızderdıŋ eŋbekterıŋız zor. Ūltymyzdyŋ bolaşaǧyn qalyptastyratyn mamandyq ielerın qoldau ärdaiym memleket nazarynda. «Pedagog märtebesı» zaŋy aiasynda mūǧalımderdı şamadan tys esep beruden, mındetıne jatpaityn funksiialardan bosatuǧa jaǧdai jasaldy. Mūǧalımderdıŋ jalaqysy bırneşe jyldan berı jyl saiyn 25 paiyzǧa köterılıp keledı. 2023 jyldyŋ qaŋtar aiynan bastap mektep pen qosymşa bılım beru ūiymdaryndaǧy barlyq pedagogtıŋ jalaqysy taǧy 25 paiyzǧa ösedı. Sondai-aq Prezident tapsyrmasy boiynşa tärbieşılerdıŋ äleumettık märtebesın arttyruǧa köŋıl bölınıp, jalaqysy artatyn bolady. Qasym-Jomart Kemelūly «Bolaşaqqa jol sılteitın mūǧalımnıŋ eŋbegın laiyqty baǧalau – öte maŋyzdy mındet» dep märtebelı mamandyq iesı bedelınıŋ joǧary boluy kerektıgın aitty. Qoǧamda mūǧalımnıŋ märtebesın odan ärı biıktetuge baǧyttalǧan şaralar, jergılıktı atqaruşy organ tarapynan yntalandyru jūmystary jalǧasyn tabatyn bolady. Merekelerıŋızben, qadırlı ūstazdar! Özderıŋızge aitar alǧysymyz şeksız! El bolaşaǧy jas ūrpaqqa bılım men tärbie beru jolyndaǧy eŋbekterıŋızdıŋ jemısı eselene bersın, - dedı Mirjan Mūnaidarūly. Jergılıktı atqaruşy organ tarapynan pedagogtardy yntalandyru maqsatymen üşınşı ret ötkızılgen «Oral qalasynyŋ qūrmettı pedagogı» baiqauyna biyl 40-tan astam pedagog qatysty. Käsıbi şeberlıkterı, jetıstıkterınıŋ negızınde Estetikalyq baǧyttaǧy mektep-gimnaziianyŋ bastauyş synyp mūǧalımı Aqgül Rahmetova «Oral qalasynyŋ qūrmettı pedagogı» ataǧyna laiyq dep tanyldy. Qala basşysy tösbelgı men kuälıgın ūsynyp, 954 myŋ teŋge syiaqy sertifikatyn tabystady. Sonymen qatar qala äkımdıgı janyndaǧy komissiia şeşımımen 6 qatysuşy jüldeger atanyp, 100 myŋ teŋge sertifikatqa ie boldy. 2012 jyldan dästürlı türde ötıkızılıp kele jatqan respublikalyq «Üzdık ūstaz» baiqauynyŋ qalalyq kezeŋıne 18 pedagog qatysyp, olardyŋ ışınde №42 «Aq niet» gimnaziiasynyŋ matematika pänınıŋ mūǧalımı Damira Kanatbaeva üzdık şyqty. Qazaqstandyq salalyq bılım jäne ǧylym qyzmetkerlerınıŋ käsıptık odaǧy, Batys Qazaqstan oblystyq bılım jäne ǧylym qyzmetkerlerı käsıpodaǧy atynan 7 pedagog «Qūrmet gramotasyna» ie boldy. Merekege orai salada ūzaq jyldar qyzmet etıp, bılım salasynyŋ damuyna eleuı üles qosqan ūstazdarǧa arnaiy nominasiialar berıldı. Atap aitqanda, 28 jyldyq pedagogikalyq eŋbek ötılınıŋ 25 jylynda ūjymǧa basşylyq etken qazırgı uaqytta №47 JOBBM direktory Nūrlan Sattyqov «Eŋ täjıribelı basşy» nominasiiasy boiynşa marapattaldy. «Ūlaǧatty ūstaz» nominasiiasy biyl eŋbek ötılıne 37 jyl tolǧan Ä.Moldaǧūlova atyndaǧy №38 mektep-lisei mūǧalımı, pedagog-şeber Gülzihan Tasqarinaǧa, «Üzdık ädısteme köşbasşysy» nominasiiasy 22 jyl boiy üzdıksız direktordyŋ orynbasary lauazymyn D.Qonaev atyndaǧy №44 mektep-gimnaziia direktorynyŋ orynbasary Gülbanu Karagoişinaǧa, «Zerdelı tälımger ūstaz» nominasiiasy 30 jyldyq eŋbek ötılı bar Krugloozernyi orta mektebınıŋ fizika pänı mūǧalımı Hatira Aitqalievaǧa, «Zamanaui şyǧarmaşyl tärbieşı» nominasiiasy 36 jyldyq eŋbek ötılı bar pedagog-zertteuşı, №22 «Kolobok» böbekjaiynyŋ tärbieşısı Baiansūlu Saqypovaǧa, «Qosymşa bılım beru şeberı» nominasiiasy pedagogikalyq eŋbek ötılıne 30 jyl tolǧan Mektepten tys jūmys ortalyǧynyŋ pedagogy Li Oleg Konstantinovichke berıldı. Sonymen qatar «Jūldyz jaqqan» nominasiiasymen №19 jalpy orta bılım beretın mektebınıŋ horeograf-mūǧalımı Gulden Kanatova marapattaldy.Şara bılım beru ūiymdary önerpazdarynyŋ konserttık qūttyqtauymen jalǧasyn tapty. «Ǧylym iesı ǧalym da, el qorǧaǧan batyr da ūstazdan tälım alǧan» degendei, barlyǧy da ärıp tanytyp, jarqyn ömırge säule ūstatqan ūstazǧa qaryzdar. Merekelık baǧdarlama aiasynda şaraǧa arnaiy qatysqan är salanyŋ ozat mamandary – medisina, tötenşe jaǧdai, qūqyq qorǧau, qūrylys salasynyŋ ökılderı ūstazdarǧa alǧystaryn bıldırdı.
