QR Eŋbek jäne halyqty äleumettık qorǧau ministrı Tamara Düisenova şeteldegı qazaqtarǧa aşylǧan jaŋa mümkındıkterdı baiandap, Qazaq kartasynyŋ erekşelıkterın tüsındırdı, dep habarlaidy "Adyrna" ūlttyq portaly.
Endıgıde şeteldegı etnikalyq qazaqtar on jyl uaqytşa Qazaqstanda tūra alady. "Qazaq kartasy" atalatyn joba qandastardyŋ ejelgı tamyryn tauyp, tarihi otanymen bailanysuy üşın daiyndalǧan. Būl kartanyŋ iesı saiasi qūqyqtardy qospaǧanda, el tūrǧynnyŋ qūqyǧymen bırdei bolatyn mümkındıkterge ie bolady. Ondai mümkındıkterge elge jeŋıldetılgen kıru qūqyǧy (biznes aşu, jyljymaityn mülıkke jäne basqa mülıkke ielık etu, qarjylyq operasiialardy jürgızu) jatady.
«Qandastarymyz jönınde eş mäsele joq. Olardyŋ keluı bügıngı taŋda qoldanystaǧy zaŋda tolyq qamtylǧan. Sonymen bırge, şette jürgen, öz biznesı bar, bıraq elmen tarihi bailanysta bolǧysy keletın etnikalyq qazaqtar da bar. Sondyqtan "Qazaq kartasy" degen älemdık täjıribede bar kartalardyŋ bırın qoldanbaqşymyz. Ondaǧy negızgı tüiın – eger şeteldegı etnikalyq qazaq sol elde tūra berem, bıraq elıme kelıp, biznes aşyp, öz elımnıŋ damuyna üles qosam dese, olardyŋ kelıp-ketuıne tolyq mümkındık berıledı jäne jeŋıldetılgen vizalar berıledı, 10 jylǧa deiın uaqytşa tūru mümkındıgın alady», - dedı ministr Ortalyq kommunikasiialar qyzmetınde ötken baspasöz mäslihatynda.Odan bölek, biylǧy QR Prezidentınıŋ kezektı Joldauynda elımızdıŋ köşı-qon saiasatynyŋ tiımdılıgın arttyru boiynşa jaŋa şaralar paketı ūsynylǧany belgılı.
Ūqsas jaŋalyqtar
