Taldyqorǧanda Jetısu universitetınıŋ studentterı komendanttyŋ üstınen aryzdanyp, küdıktı ūstaldy. Būl turaly Jetısu oblystyq polisiia departamentınıŋ baspasöz qyzmetı jariialady, dep habarlaidy “Adyrna” ūlttyq portaly..
Studentterdıŋ aituynşa, jataqhana komendanty olarǧa aifon telefonyn alu üşın nesie räsımdetkızıp, ony tölemei qoiǧan. Qazır osy ıske qatysty sotqa deiıngı tekseru jürıp jatyr.
“Osy faktıge qatysty QR QK-nıŋ 190-baby («Alaiaqtyq») boiynşa sotqa deiıngı tergeu jürıp jatyr. Küdıktı retınde 41 jastaǧy äiel ūstaldy. Ol rasymen studentterdıŋ jataqhanasynda komendant bolyp jūmys ısteidı. 11 qazan künı küdıktı polisiiaǧa jetkızıldı. Tergeu organy 10 student pen 2 jataqhana qyzmetkerınen tüsken aryz boiynşa tergeu jürgızıp jatyr. Jäbırlenuşılerge keltırılgen şyǧyn – 14,7 mln teŋge. Bıraq küdıktı densaulyǧynyŋ kürt naşarlap ketuıne bailanysty tüsınıkteme beruden bas tartty. Qazır ol auruhanada jatyr”, - delıngen Jetısu oblystyq polisiia departamentı baspasöz qyzmetınıŋ habarlamasynda.Qazır polisiia küdıktınıŋ özge de qylmysqa qatysy bar-joǧyn anyqtap jatyr.
