Astanada 13 qazan künı Aziiadaǧy özara ıs-qimyl jäne senım şaralary jönındegı keŋestıŋ VI sammitıöttı. Şaraǧa 50-ge juyq şeteldık delegasiia, onyŋ ışınde 11 memleket basşysy keldı. Būl turaly QR Prezidentı janyndaǧy QSZİ bas sarapşysy Bolat Äuelbaev “Adyrna” ūlttyq portalyna pıkırın bıldırdı.
“AÖSŞK VI sammitınıŋ resmi aşyluy bastamalarǧa toly boldy. Baiandamaşylar älemde bolyp jatqan oqiǧalarǧa qatysty öz oilaryn ortaǧa salyp, oryn alyp otyrǧan problemalarǧa öz pıkırlerın bıldırıp, öz ūsynystaryn ortaǧa saldy. Būl kezdesudıŋ barlyq erekşelıgın körsettı. Osylaişa, oǧan müşe barlyq elder özderın ortaq aziialyq qauıpsızdıktı qalyptastyru üderısıne müddelı qatysuşylar retınde körsettı.
Öz kezegınde Astana Sammitınıŋ Töraǧasy Qasym-Jomart Toqaev AÖSŞK jūmysynyŋ maŋyzdy baǧyttaryn atap öttı. Būl ekonomikalyq jäne qarjylyq qatynastardyŋ tūraqty jüiesın qūru, klimattyq kün tärtıbı, azyq-tülık qauıpsızdıgı jäne gumanitarlyq ölşem.
Rasynda da, qarqyndy damyp kele jatqan aziialyq aimaqtar men memleketter qazırgı älemdık üderısterde erekşe oryn ala bastady. Aziia ükımetterı Aziianyŋ jahandyq üderıske qosatyn ekonomikalyq ülesıne säikes halyqaralyq qatynastardyŋ jaŋa teŋ qūqyly jüiesın qūruǧa erık-jıgerın tūraqty türde körsete bastady”,-dedı sarapşy.
Sondai-aq, ol Astana konferensiiasynyŋ alǧa qoiǧan maqsatynda aita kettı.
“Aziia elderınıŋ jiyntyq ekonomikalyq ösımı orasan zor. Öndırıstıŋ internasionalizasiiasy, sifrlyq tehnologiialar jäne belsendı äleumettık-ekonomikalyq özara bailanystar jaŋa mümkındıkter tuǧyzyp, Aziianyŋ jaŋa kelbetın qalyptastyrady. Būl Astanada ötken sammit 21 ǧasyrdyŋ kelbetın aiqyndai bastady.
Ekonomikalyq, qarjylyq, önerkäsıptık, kölıktık, logistikalyq jäne aqparattyq jüielerdı internasionaldandyru prosesınde konstruktivtı halyqaralyq qatynastardy qūruǧa sūranys artyp keledı.
Is-şaranyŋ barlyq qatysuşylary ortaq senım şaralaryn ılgerıletu nietın rastady. Būl tūrǧyda Qazaqstan tūraqty qauıpsızdık jüiesın qalyptastyruǧa järdemdesu saiasatyna adal bolyp qala beredı!”,- dep sözın qorytyndylady.
Qazaqstan men Ūlybritaniia sauda ainalymy 1,8 mlrd dollar. Prezident memlekettık ministrdı qabyldady
