Halyq änderın käsıbi oryndauşy öner qairatkerı, QR halyq ärtısı, prfoessor, Qajybek Bekbosynov ömırden öttı. Būl turaly änşınıŋ ūly Rauan Qajybekūly habarlady, dep jazdy "Adyrna" ūlttyq portaly.
Bekbosyn Qajybek Qūdaibergenūly 1946 jyldyŋ 19-mamyr aiynda Taldyqorǧan oblysy Qapal audany, Qoŋyr auyly, Ūzynbūlaq bölımşesınde düniege kelgen. Ǧ. Ormanov atyndaǧy 11 jyldyq mekteptı bıtırıp, Almatydaǧy Estrada jäne sirk önerı studiiasynda QAZSSR Halyq ärtısı Ǧarifolla Qūrmanǧalievtıŋ Halyq änı klasyna oquǧa tüstı. Oqudy bıtırgennen keiın Memlekettık «Qazaqkonsert» bırlestıgınde änşı-dombyraşy bolyp qyzmet atqarǧan. Mūhit, Aqan serı, Bırjan, Äset, Jaiau Mūsa, Kenen Äzırbaev, Estai änderın naqyşyna keltırıp oryndady. Halqyna önerın paş etıp, tyŋdarmandarynyŋ süiıktısıne ainaldy. Qazaqstan Respublikasynyŋ halyq ärtısı ataǧyn ielendı.
Ömırınıŋ soŋǧy jyldarynda şäkırt tärbielep, elımızdıŋ bırqatar oqu oryndarynda ūstazdyq qyzmet atqardy. Qajybek Qūdaibergenūly oryndauşylyq şeberlıgımen qazaq änşılık önerın damytuǧa eleulı üles qosqan tūlǧa retınde halyq jadynda saqtalady.
"Adyrna" ūlttyq portalynyŋ ūjymy dünieden ötken öner qairatkerınıŋ balalaryna, tuǧan-tuysqandary men ärıptesterıne, şäkırtterıne qaiǧyryp köŋıl aitady.
"Adyrna" ūlttyq portaly
Ūqsas jaŋalyqtar
