Jambyl oblystyq kópsalaly aýrýhanasynyń perınataldyq blogynda úshem dúnıege keldi, dep habarlaıdy “Adyrna” ulttyq portaly.
Sábılerdiń ata-anasy – Abdýllaevtar otbasy Jalpaq tóbe aýylynda turady.
Otaǵasy Álınur Abdýllaev sýpervaızer, al anasy Ýmıda Áshirova zerthanashy bolyp jumys isteıdi. Jubaıymen birge olar eki qyz tárbıelep otyr: 2015 jylǵy Aılana jáne 2018 jylǵy Amelııa.
"Úshem qyzdar merziminen buryn, júktiliktiń 35 aptasynda dúnıege keldi. Nárestelerdiń salmaǵy 1980, 2120 jáne 2020 gramm boldy. Olarǵa Aılın, Alııa jáne Elıf degen esim berildi. Shala týylǵan sábıler odan ári tekserý jáne kútim jasaý úshin neonatologııa bólimine aýystyryldy", - dep habarlady Jambyl oblysy densaýlyq saqtaý basqarmasy.
Qazir qyzdardyń ómirine qaýip tónip turǵan joq. Balalar anasymen birge.
