Ǵylym, mádenıet jáne óner qaıratkerleri eks-Mádenıet mınıstri Arystanbek Muhamedıulynyń isin tergeýdi baqylaýǵa alýdy surap, Qasym-Jomart Toqaevqa hat joldady, dep habarlaıdy “Adyrna” ulttyq portaly.
Hat joldaǵandardyń ishinde medıına ǵylymynyń doktory Tóregeldi Sharmanov, KSRO halyq ártisi, Soıalıstik Eńbek Eri Bıbigúl Tólegenova, Qazaqstannyń halyq jazýshylary Oljas Súleımenov pen Muhtar Shahanov, Memlekettik syılyqtyń laýreaty Sábıt Dosanov, Halyq ártisi Asanáli Áshimov bar.
«Biz tek ádildiktiń bolǵanyn qalaımyz…Ádil Qazaqstan barshaǵa, sonyń ishinde bizdiń kóz aldymyzda ósken A.Muhamedıulyna da ádil bolýy kerek dep esepteımiz. Ol kisiniń aram oıy joq, jany keń adam dep bilemiz”, delingen Qazaqstannyń kórnekti qaıratkerleriniń hatynda.
Úndeý avtorlary eks-mınıstrdiń elge sińirgen eńbegin tizip, onyń tek mádenıetti damytýǵa ǵana emes, sportta da úles qosqanyn atap kórsetedi. Sondaı-aq, hatta Muhamedıulynyń «Kınematografııa týraly» zańnyń qabyldanýyn qamtamasyz etkeni, sodan keıin sala úshin naqty oıyn erejeleri paıda bolǵany, túptep kelgende otandyq fılmderdiń sapasy men básekege qabilettiligine áser etkeni basa aıtylady. Shilde aıynyń birinshi jeksenbisinde elimizde Dombyra kúni atalyp ótýine de eks-mınıstrdiń eńbegi zor eken.
«Ózińiz aıtqandaı, Ádil Qazaqstandy qurý endi ǵana bastalyp jatyr. Alda tikendi jol kútip tur. Biz birge Ádil Qazaqstandy quramyz. Qasıetti Otanymyzdyń jarqyn bolashaǵy shyn máninde óz qolymyzda!». – delingen úndeýde.
