21 qaraşa künı, saǧat 15:00-de H.Bökeeva atyndaǧy Batys Qazaqstan oblystyq drama teatrynda «Azamattyq bastamalardy qoldau ortalyǧy» men QR Qoǧamdyq damu ministrlıgıŋ qoldauymen «Adyrna» ūlttyq-etnografiialyq bırlestıgı jüzege asyrǧan Qazaqstan jastaryn äleumettendıruge baǧyttalǧan JasQZ jobasyn qortyndylau boiynşa saltanatty şara ötedı.
JasQZ jobasy aiasynda ūiymdastyrylǧan «Menıŋ taŋdauym» baiqauy 6 baǧyttan tūrdy. Onda Batys Qazaqstan oblysynyŋ 9-11 synyp oquşylary men joǧary oqu orny studentterı 6 baǧyttyŋ bırın taŋdap, özara bäsekege tüstı.
«Ūlttyq qūndylyq» baǧyty boiynşa üzdıkter salt-dästür boiynşa bılıktılıgı auyzşa sūraqtarǧa jauap beru arqyly anyqtaldy.
«Äskeri-patriottyq» baǧyt boiynşa üzdıkter «Memlekettıŋ qorǧanys qabıletı qaitse bekem bolady?» atty taqyrypta esse jazu arqyly anyqtaldy.
«Ziiatkerlık» baǧyt boiynşa üzdıkter matematika sabaǧy boiynşa synaq tapsyru arqyly anyqtaldy.
«Şyǧarmaşylyq» baǧyt boiynşa üzdıkter ūlttyq aspaptarda (dombyra, qobyz, sybyzǧy, sazsyrnai, şaŋqobyz j.t.b.) öner körsetu arqyly anyqtaldy.
«Äleumettık belsendılık» baǧyty boiynşa üzdıkter qoǧamnyŋ damuyna tegın eŋbek etkenın däleldeitın qūjattaryn (diplom, alǧys hat, foto-video aiǧaqtar j.t.b.) ūsynu arqyly anyqtaldy.
«Sporttyq» baǧyt boiynşa üzdıkter qaşyqtyqqa jügıru, kermege (turnik) tartylu jarystary arqyly anyqtaldy.
Saltanatty şara barysynda «Menıŋ taŋdauym» baiqauynyŋ üzdıkterı marapattalyp, syilyqtar tabystalady.
Saltanatty marapattau räsımı aiasynda jastarǧa tarihi oryndarǧa ekskursiia, ūlttyq oiyn, tanymdyq sūraq-jauap, maqal-mätel aitu jarysy ūiymdastyrylady.
Tolyǧyraq maǧlūmat alu üşın tömendegı bailanys telefon nömırlerıne nemese elektrondy pochtaǧa habarlasuyŋyzǧa bolady:
87075700407
aisaule.72@mail.ru
