Qostanai oblysynyŋ Äulieköl audanynda bolǧan alapat örtten japa şegıp, baspanasyz qalǧan tūrǧyndarǧa jaŋa üilerdıŋ kıltı tabystaldy. Būl turaly kostanaytany.kz habarlady, dep jazady "Adyrna" ūlttyq portaly.
91 otbasy qonys toiyn atap ötıp, orman örtı baspanalaryn typ-tipyl etıp, tötennen beinetke tap bolǧan tūrǧyndar sudai jaŋa üige kırdı. Quanyştarynda şek joq. Qamqorlyq jasaǧan otandastaryna, bilı kke alǧys jaudyryp otyr. Mäselen, Beisenbai Rahmetov sonau küngı soiqandy körgen tüstei ǧana eske alady.
-Ajdaha ört auylǧa auyz salǧanda ūsaq maldarymdy aman alyp qalu üşın ört ortasynda arpalystym. Otbasymdy qauıpsız aimaqqa şyǧaryp salǧan edım. Ört sūmdyq boldy. Bet qaratpaityn jalyn men qoiu tütın ortasynda qalyp qoidym. Menı ızdep kelgen balalarym tırı ekenımdı körıp, jylap jıberdı,-deidı ol.Zeinetker basqa japa şeguşıler sekıldı järdemaqy alyp, üiımen bırge külge ainalǧan qūjattaryn da qalypqa ketırıp alǧan. Bügın bärı taǧatsyz kütken baspanalarynyŋ kıltın ielendı. Resmi şarany oblys äkımı Arhimed Mūhambetov jürgızıp, rekordtyq az uaqytta "Bırlık" atty şaǧyn audandy salyp şyqqan qūrylysşy kompaniialarǧa alǧysyn aitty. Kılt tabystau räsımınen soŋ bilık ökılderı üidı-üige kırıp, qūrylys sapasymen tanysty. Aita keteiık, 12 sotyq jerge salynǧan är päterdıŋ auqymy 100 şarşy metr, tört bölmelı. Ärqaisysyna tabiǧi gaz, su engızılgen. Sondai-aq, internet tartylǧan, ony tūrǧyndar bır jyl tegın paidalanbaq. Būǧan deiın de jazǧanymyzdai, Äulieköl kentınıŋ tübındegı 91 tūrǧyn üidıŋ qūrylysyna Prezident tapsyrmasymen 2,3 mlrd teŋge bölıngen bolatyn. Qūrylys jūmystarymen 13 merdıger kompaniia ainalysty.
"Adyrna" ūlttyq portaly
