Jezqazǧan äuejaiynda ūşaq qonǧannan keiın oblys basşysyna jeke kölık berılgende Ūlytau oblysynyŋ äkımı Berık Äbdıǧaliūly videoǧa tüsıp qalǧan. Jaǧdaiǧa qatysty äkımdıktıŋ baspasöz qyzmetı tüsınıkteme berdı, dep habarlaidy “Adyrna” ūlttyq portaly.
Bloger tüsırgen videoda oblys äkımı Berık Äbdıǧaliūly Jezqazǧan äuejaiynda ūşaqtan tüsıp, ony qyzmetker kütıp alyp, bölek avtobusqa şyǧaryp salǧany körsetılgen. Būl blogerdıŋ aşuyn keltırdı.
Bloger äuejai qyzmetkerınen kamerany jyljytyp, avtobusqa kölıkpen äkelıngen qart äieldı nūsqap: "Nege äkımdı kölıkte qarsy alyp jatyrsyŋ? Arbada otyrǧan äje bar, al ol avtobusta", - dep sūrady..
Ūlytau oblysy äkımdıgınıŋ baspasöz qyzmetınıŋ habarlauynşa, oqiǧa 20 qazanda bolǧan. Äkımdı şaǧyn avtobusta qarsy alu äuejai basşylyǧynyŋ bastamasy boldy.
«Jezqazǧan äuejaiynyŋ iesı «Qazaqmys» korporasiiasy» JŞS bolyp tabylady. Oblys biudjetınde oblys basşylyǧyn jeŋıldıktı kölıkter arqyly alyp jüruge qarjy qarastyrylmaǧan. Säikesınşe, oblys äkımınıŋ kezdesuı äuejai basşylyǧynyŋ bastamasymen öttı. Jalpy, öŋır basşysy ıssaparlary kezınde qalanyŋ äue ailaǧynyŋ ortaq jolauşylar kölıgın ünemı paidalanatynyn mälımdeimız», - dep habarlady oblys äkımdıgınıŋ baspasöz qyzmetı.
Eske salaiyq, 2022 jyldyŋ 11 mausymynda Elbasynyŋ Jarlyǧymen Berık Äbdıǧaliūly Ūlytau oblysynyŋ äkımı bolyp taǧaiyndaldy.
