Qyrǧyzstanda «Azattyq» radiosynyŋ saity būǧattalyp , oppozisiia ökılderı qamauǧa alyndy, dep habarlaidy “Adyrna” ūlttyq portaly VVS basylymyna sıltep.
Oǧan sebep – Qyrǧyzstan men onyŋ körşılerı arasyndaǧy şeşılmegen aumaqtyq daular, olardyŋ jariialanuy, syny men narazylyǧy eken.
Qyrǧyzstannyŋ Mädeniet, aqparat, sport jäne jastar saiasaty ministrlıgı «Azattyq-Europa» radiosynyŋ qyrǧyzşa saity Azattyk-Mediany «Qyrǧyzstannyŋ ūlttyq müddelerıne qaişy keletın materialdar bar» degen negızben ekı aiǧa būǧattau turaly şeşım qabyldady.
Ministrlıktıŋ Aqparattyq saiasat basqarmasynyŋ basşysy Salqyn Sarnogoevanyŋ aituynşa, ministrlık «Qyrǧyzstan men Täjıkstan şekarasyndaǧy auyr şaiqas» siujetınde jalǧan aqparat bar dep Azattyq-mediaǧa hat joldaǧan. Jauap retınde, redaktorlar ony alyp tastaityndaryn aitqan, bıraq eşqaşan öşırmegen.
«Azat Europa/Azattyq» radiosynyŋ prezidentı Djeimi Flai dauly materialdyŋ barlyq halyqaralyq jurnalistika standarttaryna sai keletını turaly mälımdeme jasap, būǧattauǧa jauap berdı.
«Jurnalisterge qarsy qoqan-loqqylar men täuelsız BAQ-tyŋ auzyn jabu äreketı – Qyrǧyzstandaǧy demokratiiaǧa nūqsan keltıretın avtoritarlyq taktika», - dedı Flai.
Human Rights Watch halyqaralyq ūiymy Qyrǧyz bilıgınıŋ Azattyq-Media saityna tosqauyl qoiuyn synady. Ūiymnyŋ Ortalyq Aziiadaǧy zertteuşısı Syinat Sūltanalieva Qyrǧyzstan täuelsız BAQ-ty qyspastan, qoldauy kerek ekenın atap öttı.
"Qaqtyǧystyŋ ekı jaǧyna da dauys beru - standartty jurnalistık täjıribe. Osy negızde Azattyqty būǧattau Qyrǧyzstandaǧy senzuranyŋ jäne erkın jurnalistikaǧa baqylaudyŋ küşeigenınıŋ belgısı", - dedı ol.
Azattyqpen yntymaqtastyǧyn AQŞ Memlekettık departamentı, EO ökıldıgı jäne Internews halyqaralyq jurnalistık ūiymy bıldırdı. Soŋǧy uaqytqa deiın Qyrǧyzstan söz bostandyǧy reitingı boiynşa Ortalyq Aziiadaǧy eŋ joǧary orynǧa ie boldy jäne pıkır pliuralizmımen erekşelendı.
2022 jyly Qyrǧyzstan söz bostandyǧy boiynşa älemdık reitingte jetı satyǧa köterılıp, 72-orynǧa ie boldy. Salystyru üşın Qazaqstan 122, al Resei 155-orynǧa tūraqtady.
Aita keteiık, 28 qazan künı taŋerteŋ Qyrǧyzstannyŋ täuelsız būqaralyq aqparat qūraldary Azattyqpen yntymaqtasa otyryp, bırlesken aksiia ötkızdı: jergılıktı uaqyt boiynşa saǧat 9.00-den 12.00-ge deiın olar jaŋalyqtar jariialamady. Al memlekettık organdardyŋ jaŋalyqtary künı boiy jariialanbady.
Sondai-aq, sait jabylar aldynda Oş oblysyndaǧy Kempır-Abad su qoimasyn Özbekstanmen basqa dauly aimaqtarǧa aiyrbastau turaly ükımettıŋ şeşımın synaǧan 20-dan astam oppozisioner men belsendı ūstaldy.
Sot "jappai tärtıpsızdıkter ūiymdastyruǧa daiyndaldy" degen aiyppen ūstalǧandardyŋ köpşılıgı ekı aiǧa qamauǧa alynady dep şeştı. Jalǧyz erekşelık belsendı Talant Eşaliev boldy, ol densaulyǧyna bailanysty üiqamaqqa alyndy. Aiyptaluşylar öz kınälaryn moiyndamai, tergeu barysynda olarǧa jasalǧan qysym turaly aityp otyr.
