Qyrǵyz Respýblıkasynyń Syrtqy ister mınıstrligi Iran men Izraıl arasyndaǵy qaqtyǵystyń shıelenisýine baılanysty úlken alańdaýshylyq bildiredi. Bul týraly vedomstva taratqan habarlamada aıtylǵan, dep habarlaıdy “Adyrna” ulttyq portaly.
Onda Qyrǵyz Respýblıkasy taraptardy Taıaý Shyǵystaǵy jaǵdaıdyń turaqsyzdanýyna ákeletin budan ári áskerı áreketterden bas tartýǵa shaqyratyny atap ótiledi.
«Qyrǵyzstan taǵy da taraptardy halyqaralyq quqyqtyń jalpy tanylǵan qaǵıdattary men normalaryna, eń aldymen BUU Jarǵysyna sáıkes beıbit jolmen sheshýge shaqyrady», - delingen SIM habarlamasynda.
Aıta keteıik, sáýirdiń 14-ine qaraǵan túni Iran Izraılge ushqyshsyz ushaqtarmen jáne qanatty zymyrandarmen shabýyl jasady. Izraıl qorǵanys kúshteri Irannyń 300-ge jýyq snarıadynyń 99 paıyzyn ustaǵanyn habarlady. Tegeran bul soqqyny sátti dep sanaıdy.
Buǵan qosa, Iran birneshe arab elderi arqyly AQSh-qa Vashıngton Iran men Izraıl arasyndaǵy qaqtyǵysqa aralassa, aımaqtaǵy amerıkalyq bazalarǵa shabýyl jasalatynyn eskertti.
