Almaty qalasy himiia-biologiia baǧytyndaǧy Nazarbaev Ziiatkerlık mektebınde būryn ädıletsızdık jasalǧan qazaq tobyna qosymşa 41 grant bölındı. Būl turaly aqyn, QR Parlamentı Mäjılısı deputaty. “Aq jol” partiiasy töraǧasynyŋ orynbasary Qazybek İSA Facebook paraqşasynda jariialady, dep habarlaidy “Adyrna” ūlttyq portaly.
“Būl zor Jeŋıs! Ala jazdai attandap şapqanymyz dalaǧa ketpedı! Almaty qalasy himiia-biologiia baǧytyndaǧy Nazarbaev Ziiatkerlık mektebınde būryn ädıletsızdık jasalǧan qazaq tobyna qosymşa 41 oquşyǧa grant bölındı!!! Būl quanyşty habardy estıgende özım nemese öz balam oquǧa tüskendei quandym. Köz aldyma “Men künde taŋǧy 6-dan tūryp, keşke deiın daiyndaldym. Nätijesınde orys bölımıne tüskenderden 60 bal artyq alsam da, qazaq bölımıne tapsyrǧanym üşın oquǧa ötpei qaldym. Menen 60 bal tömen alǧan orys bölımındegı balalar mynau Nazarbaev mektebınde oqyp jatyr!”- dep, būrylyp, qolymen mekteptıŋ äsem ǧimaratyn körsetıp qoiyp, köz jasyn sürtıp tūryp, bulyǧyp, qorlyq pen teŋsızdıkke, körıneu ädıletsızdıkke jarylardai zorǧa söilep şyryldaǧan qazaqtyŋ qara domalaqtary Şyŋǧys Sabyr men Amanhan Dınmūhanbet bastaǧan balalardyŋ közderıne tura qarai alatyn boldym ǧoi dep quandym. Ol balaqai onyŋ videosyn qoiyp, ükımetke sūrau salǧan maqalam jariialanǧan feisbuktaǧy paraqşama maǧan bata bergen videosyn salyp jıberıptı! “Perıştenıŋ tılegı oryndalady, äumin” dep quanyp qalǧanmyn! İä, 41 perıştenıŋ - 41 balanyŋ tılegı oryndaldy! Alla jar bolsyn!”,- dep jazdy ol.QR Parlamentı Mäjılısı deputaty, “Aq jol” fraksiiasy müşesı Qazybek İsaǧa jazbaşa da , videomen de ündeu jasaǧan Baisal Tölen, Quanhan Baqythan, Muhamat Bolatbaiqyzy bastaǧan 50 şaqty ata-ana bolatyn. Balanyŋ tılegın jolda qaldyra almaǧan Qazybek İsa ädıldıktıŋ ornauy üşın Nazarbaev ziiatkerlık mektebı” basqarma töraiymy K.Şämşädinovaǧa eskertu jasady. Sondai-aq, gazet pen saittarǧa qoǧamdyq rezonans tudyratyn maqalalar jariialady. Olar ülken qoldauǧa ie boldy.
“Balasy üzdık oqysa da, oquǧa tüse almaǧan ata-ananyŋ küiı maǧan belgılı. Joǧaryda men “öz balam oquǧa tüskendei quandym” dep bosqa aitqan joqpyn. Ünemı qalalyq, respublikalyq olimpiadalarda jülde alyp jürgen, keşe ǧana Astanadaǧy belgılı ūltşyl aǧartuşy Aiatjan Ahmetjanūly basqaratyn Qaiym Mūqamedhan atyndaǧy #90 ūlttyq gimnaziiasynyŋ 9 synybyn, negızgı orta bılımın tūŋǧyş üzdık attestatpen bıtırgen qyzym Ämina Jarylqasyn 2019 jyly 6-şy synypty aiaqtar köktemde tura osy Almatydaǧy himiia-biologiia baǧytyndaǧy Nazarbaev ziiatkerlık mektebıne synaq tapsyryp, negızgı pänderden joǧary ūpai alyp tūrsa da, basqa janama pänderden baly tömen bolǧandyqtan ötpei qalǧan edı…
Endı kezınde öz balam oquǧa ötpese de, bügın 41 balamnyŋ oquǧa tüsuıne üles qostym ǧoi dep quanyşty sezımde otyrmyn. Öz balalaryma 41 bala qosylyp, älemdegı eŋ bai äke bolyp otyrǧan jaiymyz bar!”,- dedı Qazybek İsa.Sonymen qatar, ol osy ıste küş-jıgerın aiamaǧan qoldaulastaryna alǧys bıldırdı.
Ūqsas jaŋalyqtar
