Ūlytau oblysynyŋ äleumettık-ekonomikalyq damuynyŋ 2022-2026 jyldarǧa arnalǧan keşendı jospary qabyldandy. Jospary 9 baǧyt boiynşa ıs-şaralar keşenın qamtidy. İgı bastamany Ūlytau oblysynyŋ äkımı Berık Äbdıǧaliūly habarlady.
Ūlt ūiasyna ainalǧan Ūlytau oblysy jandanyp, jaŋaratyn bolady. Aimaqty damytu men qyzu tırlıktıŋ oşaǧyna ainalu josparyn oblys äkımı Berık Äbdıǧaliūly baian ettı.
"Qūrmettı jerlester!Jaŋa ǧana QR Ükımet otyrysynda Ūlytau oblysynyŋ äleumettık-ekonomikalyq damuynyŋ 2022-2026 jyldarǧa arnalǧan keşendı jospary maqūldandy. Būl maŋyzdy qūjattyŋ qabyldanuy - Memleket basşysy Qasym-Jomart Toqaevtyŋ qoldauy jäne bızdıŋ 4 aidan astam eŋbegımızdıŋ nätijesı dep qabyldaimyn. Ūlytau oblysynyŋ äleumettık-ekonomikalyq damuynyŋ 2022-2026 jyldarǧa arnalǧan keşendı jospary 9 baǧyt boiynşa ıs-şaralar keşenın qamtidy. Olardyŋ ışınde industriialyq-innovasiialyq damu, mineraldyq-şikızat bazasyn keŋeitu, käsıpkerlıktı damytu, agroönerkäsıptık keşen, tūrǧyn üi-kommunaldyq şaruaşylyq, kölık infraqūrylymy, äleumettık infraqūrylym jäne t. b. Oblys äkımdıgı osy qūjatqa qosymşa Qazaqstan Respublikasynyŋ memlekettık baǧdarlamalary men ūlttyq jobalaryna engızılgen barlyq ıs-şarany közdeitın keŋeitılgen Damu baǧdarlamasyn äzırledı", - dep süiınşıledı äkım.
Sonymen qatar, oblys basşysy keşendı damu josparynyŋ qarjylyq qūny men ekonomikalyq auqymdylyǧyn täpsırlep tüsındırdı.
"Jalpy, bes jyldyq kezeŋdegı investisiialardyŋ jalpy kölemı 1,8 trln. teŋge. Onyŋ ışınde respublikalyq biudjetten 351 mlrd. teŋge, jergılıktı biudjetten – 147 mlrd. teŋge bölınedı, jeke investisiialar 1,3 trln. teŋgenı qūraidy. Ūlytau oblysynyŋ industriialyq-innovasiialyq damuy önerkäsıptık reagent şyǧaru jönındegı himiia zauytynyŋ qūrylysyn, mūnai öŋdeu zauytyn, qara mys konsentrattaryn öndıru zauytyn, Jezqazǧan mys balqytu zauytynyŋ jaŋa kükırt qyşqyly sehyn jäne t.b. ıske qosudy qamtidy. Jalpy, 3 myŋ jaŋa jūmys oryndaryn qūrumen 787 mlrd. teŋge somasyna 16 jobany ıske asyru josparlanuda.Öŋırde mineraldyq-şikızat bazasyn keŋeitu aiasynda geologiialyq klaster salynyp, 9 ken ornyna geologiialyq barlau jūmystary jürgızıledı. İnvestisiialardyŋ jalpy kölemı 20 mlrd. teŋgenı qūraidy. Agroönerkäsıptık keşen salasynda et öŋdeu jäne süt öŋdeu zauyttaryn salu, qūs etı men jūmyrtqa öndıru keşenın ıske qosu, ūn tartu keşenın jaŋǧyrtu siiaqty t.b. 11 investisiialyq joba ıske asyrylatyn bolady. Sala investisiialarynyŋ jalpy kölemı 45 mlrd. teŋgeden asady, - dedı Berık Äbdıǧaliūly.
Oblys aumaǧynda äleumettık nysandar saluǧa da airyqşa köŋıl bölıngen. Oblys äkımınıŋ aituynşa, jaqyn jyldarda qoǧamnyŋ qajetın öteu üşın san-calaly ǧimarattar boi köteredı.
"Äleumettık salada 47 jaŋa nysan salynady. Olardyŋ ışınde Jezqazǧan qalasyndaǧy perinataldyq ortalyq, Jaŋaarqa jäne Ūlytau audandaryndaǧy 14 feldşerlık-akuşerlık punkt, 9 mektep, 4 oquşylar saraiy, 5 balabaqşa, 10 sport nysany jäne basqalary bar. Sondai-aq, 27 bılım beru jäne densaulyq saqtau nysandary jöndeledı. Barlyq ıs-şaralardyŋ jalpy somasy 94 mlrd.teŋgeden asady. "Eŋbek" futbol kluby jandanyp, "Arystan" balalar hokkei mektebı aşylady. 2023 jyldyŋ 1 qyrküiegınen bastap jaŋa Ūlytau memlekettık tehnikalyq universitetıne studentterdı qabyldau josparlanuda. Halyq sanynyŋ ösuın eskere otyryp, Jezqazǧan qalasynda 60 üidı nemese 1800-ge juyq päterdı qamtityn üş jaŋa şaǧyn audan salynady. Jeke tūrǧyn üi qūrylysyna 1 myŋ uchaske bölınedı. Sondai – aq, Jezqazǧan qalasyndaǧy 26 apatty üidı jäne Sätbaev qalasyndaǧy 20 apatty üidı jaŋartu jūmystary jürgızıledı. Atalǧan ıs-şaralarǧa 62 mlrd.teŋgeden astam qarajat baǧyttalady".
Sonymen qatar, Ūlytau oblysyn damytudyŋ keşendı baǧdarynda tūrǧyn üi-kommunaldyq şaruaşylyqty jaŋǧyrtu, sumen jabdyqtau, Sätbaev qalasynyŋ tūrǧyndaryn jylumen qamtamasyz etu, elektr energiiasyn öndıru, zamanaui bu-gaz qondyrǧysyn salu sekıldı jaŋa bastamalar qarastyrylǧan.
"Būdan basqa, öŋırdıŋ gaz infraqūrylymyn damytu jobasyn ıske asyru üşın 34 mlrd.teŋgeden astam qarajat bölınedı. Jalpy somasy 264 mlrd.teŋgege 227 km oblystyq avtojoldar jäne 118 km qalaışılık jäne kentışılık joldar salynady, qaita jöndeledı jäne jöndeledı. Turizm salasyn damytuǧa 1,5 mlrd. teŋge baǧyttau közdelgen... Iske sät!" - dep jazdy Ūlytau öŋırınıŋ basşysy.
"Adyrna" ūlttyq portaly
Ūqsas jaŋalyqtar
