Ūlytau oblysynyŋ öŋırlık kommunikasiialar alaŋynda Qūrylys, säulet jäne qala qūrylysy basqarmasynyŋ basşysy Rinat Almatov būqaralyq aqparat qūraldary ökılderınıŋ qatysuymen brifing ötkızdı.
Brifing barysynda öŋırdegı qūrylys salasynyŋ damu qarqyny men aldaǧy josparlar keŋınen tanystyryldy.
2025 jyldyŋ qorytyndysy boiynşa oblysta 109,8 myŋ şarşy metr tūrǧyn üi paidalanuǧa berılgen. Al biyl barlyq qarjylandyru közderı esebınen 111,4 myŋ şarşy metr tūrǧyn üidı ıske qosu josparlanyp otyr.
Qazırgı taŋda jeke investisiialar esebınen jalpy audany 57,6 myŋ şarşy metrdı qūraityn 14 kommersiialyq tūrǧyn üidıŋ qūrylysy jürgızılude. Onyŋ ışınde biyl jalpy audany 36,1 myŋ şarşy metr bolatyn 8 tūrǧyn üidı paidalanuǧa beru közdelse, qalǧan 6 tūrǧyn üidıŋ qūrylysy 2027 jylǧa ötpelı.
Jalpy alǧanda, 2026 jyly audany 73 myŋ şarşy metr bolatyn 14 tūrǧyn üidıŋ qūrylysy aiaqtalady. Onyŋ ışınde 3 kredittık, 3 jalǧa berıletın jäne 8 kommersiialyq tūrǧyn üi bar. Būl öz kezegınde 833 otbasynyŋ baspanaly boluyna mümkındık beredı.
Sonymen qatar, 2024 jyldan bastap oblys ortalyǧynyŋ Batys audanyndaǧy jaŋa şaǧyn audandy qajettı infraqūrylymmen qamtamasyz etu maqsatynda magistraldyq jelılerdıŋ qūrylysy jürgızılude. Jobany aiaqtau merzımı – 2026 jyl.
Biyl oblysta äleumettık nysandar qūrylysy boiynşa jalpy sany 11 joba jüzege asyrylyp jatyr.
Atap aitqanda, Qarajal qalasynda jabyq hokkei korty men köpfunksionaldy ortalyqtyŋ qūrylysy jürgızılude. Hokkei korty men Ūlytau auyly auylyndaǧy jabyq jüzu basseinın qyrküiek aiynda paidalanuǧa beru josparlanǧan. Al Qarajaldaǧy köpfunksionaldy ortalyq jyl soŋyna deiın el igılıgıne tabystalady.
Sondai-aq, Jezqazǧan qalasynda kursanttarǧa arnalǧan pavilony bar avtomattandyrylǧan avtodrom qūrylysyn aiaqtau üşın merdıger ūiym anyqtalyp, arnaiy tehnika men qajettı jabdyqtar jūmyldyryluda.
Jezqazǧanda oquşylar saraiynyŋ qūrylysy tolyq aiaqtalyp, qazırgı uaqytta aumaqty abattandyru jūmystary jürgızılıp jatyr.
Al Ūlytau auylynda bır auysymda 100 keluşını qabyldaityn emhanasy bar, 20 tösek-orynǧa arnalǧan auyldyq auruhananyŋ qūrylysy jalǧasuda. Jobany aiaqtau merzımı – 2026 jyldyŋ soŋy.
Sätbaev qalasynda industriialyq parktıŋ injenerlık-kommunikasiialyq infraqūrylymynyŋ qūrylysy biyl mamyr aiynda aiaqtalady dep josparlanǧan.
Būdan bölek, 2026 jyly öŋırde taǧy 3 jaŋa jobanyŋ qūrylysy bastaldy. Olar: Jaŋaarqa audanynda 100 oryndyq inkliuziiany qoldau ortalyǧynyŋ qūrylysy, Sätbaev qalasyndaǧy «BM №7» KMM sport zalynyŋ qūrylysy jäne Aqseleu Seidımbek atyndaǧy orta mekteptıŋ sport zalyn salu jobalary.
