Täuelsızdık küreskerlerıne myŋ alǧys!

1986 jyly jeltoqsan aiynyŋ ortasynda Almaty qalasyndaǧy Brejnev (qazırgı Respublika) alaŋy bükıl älemnıŋ nazaryn özıne audardy. Ol kezde qazırgıdei internet, äleumettık jelıler joq bolsa da, jergılıktı jastardyŋ demokratiialyq bas köteruı turaly aqparat düniejüzıne tarap ülgergen edı. Kompartiianyŋ D.Qonaevty qyzmetınen taidyryp, onyŋ ornyna būǧan deiın Qazaqstan üşın beimälım bolǧan G.Kolbindı taǧaiyndauy narazylyq tuǧyzyp, qaladaǧy ortalyq alaŋǧa on myŋdaǧan jastar jinaldy. Qarsy kelgendı qan qaqsatyp üirengen keŋes ökımetı būl joly da eşkımdı aiamady. Beibıt sipatta bastalǧan şeru aqyr soŋynda küşpen basylyp,  oǧan qatysqandardyŋ bırazy qaza tapty, köbı quǧynǧa ūşyrady. Osy bır tarihi sättı jastardyŋ jadynda mäŋgı saqtau üşın, «Adyrna» ūlttyq-etnografiialyq bırlestıgı Almaty qalasy Işkı saiasat basqarmasynyŋ qoldauymen şahardaǧy bırqatar mekemelerde arnaiy kezdesuler ötkızdı. Almaty köpsalaly kolledjınde ötken kezdesuge qonaq retınde qatysqan «Jeltoqsan jūldyzdary» qoǧamdyq bırlestıgınıŋ töraiymy Gülmira Mūstafina men rejisser Jaŋabek Jetıruov studentterge jeltoqsan köterılısı kezınde közben körgenderın baiandap berdı. Is-şara bastalmas būryn jinalǧandarǧa J.Jetıruov tüsırgen jeltoqsan köterılısı haqyndaǧy qysqametrajdy film körsetıldı. Sätbaev universitetınde ötken kezdesuge «Jeltoqsan Respublikalyq halyqtyq patriottar qozǧalysy» qoǧamdyq bırlestıgınıŋ teŋ töraǧasy Kenjebai Otarbaev, onyŋ orynbasary Erlan Dekelbaev, osy ūiymnyŋ müşelerı Älıbek Mūzaffar men Baqtyǧali Taubaev qatysty. Kezdesu kezınde qonaqtarǧa «Sızder patriot ekendıkterıŋızdı körsetu üşın alaŋǧa şyqtyŋyzdar, bız patriot ekenımızdı körsetu üşın ne ısteuımız kerek?» degen sūraq qoiyldy. Jeltoqsan qairatkerlerı «Bügıngı zamanda patriotizm degen täuelsızdıktıŋ qadırın tüsınu, salt-dästürıŋdı qūrmetteu, elıŋe adal qyzmet etu. Qazır elımızdegı jaǧdai 1986 jylǧydan müldem basqaşa. Sondyqtan alaŋǧa şyǧu eş özektı mäsele emes» dep jauap berdı. Qazaqstan Jazuşylar kıtaphanasyndaǧy kezdesu de jeltoqsan köterılısıne arnaldy. Bırınşı bolyp söz alǧan jeltoqsan köterılısı turaly bırneşe kıtaptyŋ avtory, «Nūr Otan» partiiasy Almaty qalalyq fillialynyŋ Saiasi jūmystar bölımınıŋ meŋgeruşısı Qaiym-Mūnar Tabeev köterılıstıŋ tarihi rölıne toqtaldy.  Jeltoqsan oqiǧasy kezınde alaŋǧa şyqqany üşın, quǧyn-sürgınge ūşyrap, türmenıŋ azabyn tartqan Gülnär Äbılqaiyrova sol jyldary körgen qiyndyqtaryn eske aldy. Kıtaphanadaǧy kezdesu jeltoqsan köterılısınıŋ taǧy bır qatysuşysy Halelhan Ädılhanovtyŋ oryndauynda «Jeltoqsan jelı» änımen qorytyndylandy.   B.Moldaş