Qazaqtyŋ kenış köŋıldı qariiasy, jez saqaldy dariiasy - Töregeldı Şarmanov qazaq jastarynyŋ densaulyǧyna alaŋdauşylyq bıldırdı. Aqylman aqsaqaldyŋ aituynşa, jastar pepsi, kola, chipsy, gamburger sekıltı önımderdı tūtynuǧa äues. Onyŋ ornyna ūlttyq taǧamdarymyzdy köptep tūtynǧan dūrys. Aqsaqaldyŋ aqylǧa qonymdy pıkırlerın "Adyrna" ūlttyq portaly jaryqqa şyǧardy.
Töregeldı Şarmanov:
- Studentterımız pepsi, kola, chipsy, gamburger siiaqty önımderın tūtynuǧa äues. Osy tez pısetın önımderde kömırsutegı, transmailyq qyşqyl, gaz öte köp. Būl adam aǧzasyndaǧy paidaly zattardy şyǧaryp tastaidy. Ziiany şaş-etekten. Qarynnyŋ bos keŋıstıgın toltyrǧannan özge paidasy bar dep aita almaimyn. Qūramy tolyp tūrǧan kömırsu ǧoi, qaidan paidasy bolsyn? Olar semızdıkke äkeledı, özge de türlı syrqattarǧa duşar etedı, - dep köpşılıktı atalmyş önımderdıŋ qauıp-qaterınen saqtandyrdy.Sonymen qatar, susyndar men köşe taǧamdarynyŋ zararyna qatysty maŋyzdy tüsınık berıp, onyŋ saldaryn saraptady.
"Al jastar bolsa, tättılıgıne qyzyǧyp, dämıne süisınıp ışıp jatyr. Işıp jatyr – densaulyqtaryn qūrtyp jatyr. Būl susyndar tık ışektegı, jatyrdaǧy qaterlı ısıktı tudyrady. Mi jüiesınıŋ qabyldaǧyştyq qasietın tömendetedı. Kalsiidıŋ aǧzaǧa sıŋuıne kedergı keltırıp, süiekterdıŋ bıtuıne, jetıluıne kerı äser etedı. Kalsii jetıspegendıkten osteopotroz syrqaty bel alyp, süiek synǧyş keledı. Balalar köp närsege baiyptap qaramaityny belgılı, sondyqtan bırınşı kezekte, ülkender olarǧa ūǧyndyryp, zardaptaryn tüsındırgenı abzal" - dedı ǧalym.Kezınde Densaulyq saqtau ministrı qyzmetın atqarǧan ärı bügıngı Taǧamtanu akademiiasynyŋ Prezidentı Töregeldı Şarmanovtyŋ paiymdauynşa, kündelıktı tūrmysymyzǧa ūlttyq taǧamdarymyzdyŋ dendep engenı dūrys. Būl jaily:
- Jastarymyz neşe türlı pissa, gamburger syndy tez pısetın taǧamdardan şyǧa almai jatyr. Eger halqymyzdyŋ densaulyǧyn jaqsartamyz desek, ūlttyq taǧamdarymyzdy, sonyŋ ışınde qūrtymyzdy, şūbatymyzdy, airanymyzdy, ırımşıgımızdı, bauyrsaǧymyzdy därıpteuımız kerek. Būl taǧamdar qasietınıŋ keremettılıgı sonşalyq – sol arqyly bız talai qiynşylyqtan aman qalǧanbyz. Osy taǧamdar arqyly ūlan-baitaq dalamyzǧa qol jetkızdık, alapat jaudy jeŋdık, arany keŋ aştyqqa qarsy tūrdyq... - dep oi tızbektedı ǧalym.Oraiy kelgende aita keteiık, Töregeldı Şarmanov äleumettık jelılerde öte belsendı jan. Özınıŋ iutub-arnasynda san-salaly sūhbattary bar. Qairatker tynbastan bırınşı bailyqtyŋ qadır-qasietın äspettep, ony öskeleŋ ūrpaqqa ūǧyndyryp keledı.
"Adyrna" ūlttyq portaly
Ūqsas jaŋalyqtar
