Gremmi syilyǧynyŋ iegerı, didjei İmanbek Zeikenov Strategiialyq bastamalar forumynda (CSI Forum) qazaqstandyq jastardyŋ damuy turaly aitty, dep habarlaidy “Adyrna» tılşısı.
Bügın, 16 qaraşada Astanada Strategiialyq bastamalar forumy bastaldy. Onda joǧary lauazymdy tūlǧalar, belgılı biznesmender men älemdık sarapşylar el damuynyŋ mäselelerın talqylady. Is-şaranyŋ aşyluynda İmanbek Zeikenov Qazaqstannyŋ bolaşaǧynyŋ beinesın qalai köretını turaly öz pıkırımen bölısken beinerolik ūsynyldy.
«Men älemnıŋ ärtürlı elderınde tūramyn jäne jūmys ısteimın. Ol jerlerge barǧan jaqsy, bıraq üi odan da jaqsyraq. Qazaqstanǧa, tuǧan jerge oralǧan kezde men ünemı keibır özgerısterdı baiqaimyn jäne būl menı quantady. Menıŋ oiymşa, Qazaqstan turaly “beibıtşılık ornatuşy” dep aitu üşın elımız bükıl älemge tanymal jäne qūrmettı boluy kerek. Jetı jylda el qalai özgeredı? Menıŋşe, būl jaǧdaidy qamtamasyz etetın mümkındıkter kerek.
Menıŋ baiqauymşa, aimaqtarda talanttar köp. Būl ras. Sol talanttar damyp ketuı üşın elımız qandai da bır şeşım tabuy kerek dep oilaimyn. Bızde Google, Facebook-ta jūmys ısteitın aqyldy jıgıtter öte köp... Bızdıŋ IT mamandarymyz «müiızı qaraǧaidai» kompaniialardy qūra alady dep senemın. Jetı jyldan keiın Qazaqstan özgergenın qalaimyn. Sonda bız, qazaqstandyqtar öz Otanymyzǧa oralǧymyz keledı. Sonymen qatar şeteldıkter de kelıp körgısı, ömır sürgısı keledı», - dedı İmanbek.
Sondai-aq, İmanbek aǧa buyn jastar üşın ne ısteu kerek degen saualǧa da jauap berdı.
"Jastarǧa qysym jasamaŋdar, qalamaǧanyn jasauǧa mäjbürlemeŋder. Jıgıtterımız mädeniet pen ǧylymda bıraz jetıstıkterge jetsın deseŋder, qoldaryn şeşıŋder, tek olarǧa kedergı jasamaŋdar. Moraldyq ılımder men nūsqaular olardy tek tıtırkendıredı. Eger olarǧa keŋes kerek bolsa, özderı kelıp, keŋes sūraidy», - dedı İmanbek.
