Parlament palatalarynyŋ bırlesken otyrysynda Senat deputaty Nūrtöre Jüsıp jastarǧa erekşe köŋıl bölu qajettıgın aitty, dep habarlaidy «Adyrna» tılşısı.
«Resmi derekterge süiensek, elımızde 5,7 millionnan astam jas bar. Byltyr Memlekettık jastar saiasaty turaly zaŋǧa eleulı tolyqtyrular engızıldı. Jastar sanatyn 29-dan 35-ke deiın arttyrdyq. Sonyŋ negızınde NEET jastarynyŋ sany 223 myŋnan bır jylda 422 myŋǧa östı. Salalyq ministrlık bırrettık granttar beru, jastar praktikalaryn ūiymdastyru, bos jūmys oryndary järmeŋkelerın ötkızu siiaqty nauqandyqpen şaralarmen şektelıp otyr. Jastarmen jandy jūmys jürgızu kerek. Elımızde azamattarǧa sapaly, joǧary bılım beru, tehnikalyq jäne käsıptık daǧdylardy oqyp-üiretu, olardy äleumettendıru jäne jūmyspen qamtu şaralary bügıngı künnıŋ talaptaryna tolyq jauap bermei otyr»,–dedı ol.Deputat Qazaqstan jastary eldegı jūmys küşınıŋ şamamen 40 paiyzyn ǧana qūraitynyn atap öttı.
«Joǧary bılımdı qazaqstandyq jastardyŋ 40 paiyzdan astamy öz mamandyǧy boiynşa jūmys ıstemeidı. Al tülekterdıŋ 30 paiyzdan astamy jūmys taba almaidy. Būlardyŋ ışınde memleketttık tapsyryspen oqyǧandary da jetkılıktı. Qazaqta «Arqa jaily bolsa, arqar auyp nesı bar?» degen söz bar. Osyndai jaǧymsyz faktorlardyŋ kesırınen jastardyŋ jaily ömır ızdep, şetelge qonys audaruy jiılep jatqan siiaqty. Biylǧy 1 säuırdegı statistikaǧa qarasaq, 600-den astam jas şetelge qonys audarǧan»,—dedı Nūrtöre Jüsıp.
Ūqsas jaŋalyqtar
