Muǵalimderden eki qujattan artyq talap etken mektep basshylyǵy jaýapqa tartylady. Bul týraly Oqý-aǵartý mınıstri Ashat Aımaǵambetov vedomstvonyń apparat jınalysynda aıtty, dep habarlady “Adyrna” tilshisi.
Mınıstrdiń aıtýynsha, muǵalim kúnine tek eki qujatty toltyrýy kerek: balanyń baǵasyn qoıatyn elektrondy jýrnal jáne ekinshi – muǵalimniń kúndelikti oqý jospary.
“Boldy, basqa eshqandaı qosymsha qujat bolmaýy tıis. Budan artyq qujatty talap etý – zańbuzýshylyq. Bul úshin biz jaýapkershilikti qarastyrdyq. Qatań jaýapkershilik bar. Jalpy, biz qazir zańnamaǵa ózgeris engizdik. Endi dırektordyń attestaııasy, rotaııasy, ony taǵaıyndaý kezinde biz arnaıy bazadan osy basshynyń muǵalimderdiń quqyǵyn buzý máseleleri tirkeldi me, tirkelmedi me, sol aqparatty qaraıtyn bolamyz. Iaǵnı, bizdiń áriptesimiz osy zańnamany buzǵan bolsa, onda ol tek qana ákimshilik jaýapkershilikke tartylyp qana qoımaıdy. Erteń basqa jumysqa aýysqanda nemese attestaııadan ótken kezde bul másele erekshe qaralatyn bolady. Osyny da esterińizde saqtańyzdar”, – dedi Ashat Aımaǵambetov.
Sondaı-aq mınıstr qabyldanǵan zańnama muǵalimderdiń quqyǵyn buzý máselesin túbegeıli sheshýge múmkindik bergenin atap ótip, budan bylaı ony tolyǵymen joıýǵa áreket etý qajettigin jetkizdi.
