Kiık sanyn retteuge qatysty jaŋa qūjat jariialandy. Būl turaly Ekologiia jäne tabiǧi resurstar ministrlıgı mälımdedı, dep habarlaidy “Adyrna” ūlttyq portaly.
Būl qūjat arqyly sanyn retteuge jatatyn januarlardyŋ türlerın alyp qoiuǧa rūqsat beru qaǧidalaryna özgerıs engızu közdelgen
Būiryq jobasy sany retteletın januar türın alyp qoiuǧa memleketten rūqsat alu üşın jazylatyn ötınım ülgısıne jäne sol ötınım negızınde rūqsat beru qūjatynyŋ ülgısıne özgerıs engızuge arnalǧan.
«Januarlar sanyn retteu uchaskesınıŋ audany jäne şekarasy» degen tarmaqtyŋ aiaǧyna «(aqbökennıŋ sanyn retteudı qospaǧanda)» deitın qosymşa tırkes engızılmek.
Orman şaruaşylyǧy jäne januarlar düniesı komitetınıŋ mamandary būl özgerıs kiık sanyn retteu saiasatyndaǧy soŋǧy özgerıstermen bailanysty ūsynylyp otyrǧanyn aitady.
Būiryqtaǧy özgerıs kiık atuǧa rūqsatty şektegenımen tyiym salu bolyp eseptelmeidı.
«Aqbökender sany retteuge jatatyn januarlardyŋ türıne jatqyzylǧanyn bılesızder. Bıraq soŋǧy kezde osy mäselenıŋ ainalasyndaǧy ūstanymdar qaita qaralyp jatyr. Osyǧan bailanysty sany retteletın januarlardyŋ ışınde kiık atuǧa rūqsat berılmeidı. Bıraq būl tolyqtai tyiym salu degen söz emes. Memleket tarapynan naqty şeşım şyqqannan keiın baryp kiık atuǧa tolyq tyiym salynuy da mümkın», - deidı komitettıŋ januarlar düniesı jäne aŋşylyq şaruaşylyq basqarmasynyŋ bas sarapşysy Oljabek Holov.
Aita keteiık, Qazaqstanda 10 aqpannan bastap kiık atuǧa qaitadan tyiym salynǧan bolatyn.Ūqsas jaŋalyqtar
