Qamal buzar qazaqtyń batyrlary,
Namys-ot bop jan-kúıi lapyldady. Arystandaı belgili aıbattanyp,
Jolbarystaı jaýyna atylǵany...
Eldik úshin muz shaınap,
otqa kirgen,
Erlik quryp eńseli
topqa kirgen
Jaýdyń legi jetkende el shetine,
Atoı salyp al sonda
atqa mingen.
Aýyldastan kezi joq alys qonǵan,
Qaryndastan jeri joq qalys qalǵan.
Tolaǵaı tós,býra jon batyrlar-aı,
Naızasynyń ushynda
namys janǵan.
Búlik salyp boı berse
jattan kisi,
Batyrdyń bul babyna baqqan tusy.
Júreginde jigerli bir kek qaınap,
Bileginde bulqynǵan
batpan kúshi.
Jaý qolynan qaıyssa
soqpaq, dalam,
Batyr batyr bola ma
ot qappaǵan?!
Jerin qorǵap,bolsynshy jany pıda,
Tórin biraq jaýyna taptatpaǵan.
Qazaqtyń batyrlary-aı,
Búrkit qabaq,
Jaýdyń zory turǵan ǵoı úrkip qarap.
Dúleı jaýdyń úreıin ushyrǵan ǵoı,
Shúıile túsken sətte silkip qanat.
Eı, jas urpaq,
sol erler seniń babań,
Beıbit ǵumyr kelgen joq
tegin saǵan.
...Bahadúr batyrlardyń arqasy ǵoı--
Jerim bútin turǵany,elim aman.
Aqyn Naýryzbaı Jarbosynuly,
S.Qojanov jəne
I.Jansúgirov atyndaǵy syılyqtyń ıegeri
