Bügın QR Ǧylym jäne joǧary bılım ministrı Saiasat Nūrbek QS Quacquarelli Symonds prezidentı Nunsio Kvakvarellimen kezdestı. Jiynǧa joǧary oqu oryndarynyŋ rektorlary da qatysty. Olar qazaqstandyq universitetterdıŋ jahandyq bäsekege qabılettılıgın arttyru mäselelerın talqylady.
L. N.Gumilev atyndaǧy EŪU-da ötken kezdesude QS Quacquarelli Symonds negızın qalauşy Nunsio Kvakvarelli tūsaukeser ötkızdı. Onyŋ aituynşa, Qazaqstan Aziia universitetterı reitingınıŋ jaŋa şyǧarylymynda üzdık nätijeler körsettı.
Ekı qazaqstandyq joǧary oqu orny Aziiadaǧy üzdık 100 universitettıŋ qataryna kırdı. Äl-Farabi atyndaǧy Qazaq ūlttyq universitetı 44-oryndy ielenıp, üzdık aziialyq joǧary oqu oryndarynyŋ top-50 tızımıne endı. Al, L. N. Gumilev atyndaǧy EŪU 96-orynǧa ornalasty. Qazaqstan Ortalyq Aziianyŋ basqa elderıne qaraǧanda reitingte köş ılgerı. Üzdık aziialyq joǧary oqu oryndarynyŋ tızbesınde elımızdıŋ 32 universitetı bar.
Ortalyq Aziianyŋ üzdık üştıgıne de qazaqstandyq joǧary oqu oryndary engen. Olar halyqaralyq indikatorlar boiynşa eŋ joǧary oryndarda tūr. Äl-Farabi atyndaǧy QazŪU Ortalyq Aziia öŋırındegı jūmys beruşıler arasynda akademiialyq bedeldıŋ eŋ joǧary körsetkışterıne ie. Üzdık üştıkke L. N.Gumilev atyndaǧy EŪU jäne Satbayev University kırdı.
«Elımızdegı joǧary bılım salasy halyqaralyq deŋgeide tanylyp kele jatqanyn körıp otyrmyz. Älemdık reitingterde alǧa jylju – qazaqstandyq bılım beru sapasy men universitetterdıŋ märtebesın jaqsartudyŋ körnekı dälelı. Būl bızdıŋ joǧary oqu oryndarynyŋ halyqaralyq arenadaǧy bäsekege qabılettılıgın körsetedı», – dedı ministr.
Ministr Saiasat Nūrbek şeteldık meimanǧa elımızge sapary üşın alǧysyn bıldırıp, qazaqstandyq joǧary oqu oryndary QS reitingınde jaŋa şyŋdarǧa jetu üşın jūmysty jalǧastyratynyn atap öttı.
