Ǵylymı jobalar saıysyndaǵy jas zııalylardyń jetistigi

3993
Adyrna.kz Telegram

«Daryn» ǵylymı jobalar saıysynda Taldyqorǵan qalasyndaǵy Nazarbaev Zııatkerlik mektebiniń oqýshylary medıınalyq robot, sýtegi óndirýge arnalǵan Lýnohod, belgili jýrnalıst Beısen Quranbektiń tildik erekshelikteri, áıgili Lepsın shege zaýytynyń tarıhy, qarjylyq saýattylyq sabaqtar zertteýlerin pash etti.

Astana men Almaty qalalarynda elimizdiń barlyq Nazarbaev Zııatkerlik mektepterinen 300-den astam oqýshy aqparattyq júıeler, ǵylym men tehnologııalar, qoldanbaly matematıka, Qazaqstannyń tarıhı eskertkishterin zertteý jáne qorshaǵan ortany qorǵaý salalarynda júzdegen jobalaryn usyndy.

10-synyp oqýshysy Alıka Aqylbekova men 9-synyp oqýshysy Dıana Hasımova «Jer jáne ǵarysh týraly ǵylym» bóliminde «Ilon Mask» jobasyn tanystyrdy. Jas ónertapqyshtar ǵaryshta balama otyn kózi retinde sýtegin alýǵa qabiletti robot jasap shyǵardy.

Aı men Marsta qaldyq topyraq regolıt dep atalady, regolıtte kóp mólsherinde muzdy tabýǵa bolady. Bizdiń avtonomdy Lýnohod regolıtten elektrolız arqyly sýtegin alýǵa qabiletti. Osylaısha, Aı jaqsy otyn kózine aınala alady dep aıta alamyz, - deıdi jobany ázirleýshilerdiń biri Dıana Hasımova.

Joba jelilik baıqaýda barlyq NIS-diń arasynda 1 oryndy jeńip aldy.

Robot jasaýshylar Erkejan Úmbetbaeva men Vıktor Kahnonyń «Med-BOT» medıınalyq roboty da ózindik ereksheligimen qazylar alqasyn baýrap aldy. Elimizdiń barlyq medıınalyq mekemelerindegi kádimgi medbıkelerdiń ornyna robottar sizdi qarsy alatynyn elestetip kórińizshi. Pandemııadan keıin áleýmettik baǵdarlanǵan mobıldi robottar medbıkelerdiń ótkir jetispeýshiligin sheshýdiń yqtımal sheshimi retinde qarastyrylady. Sonymen, bul «Med-BOT» medbıkege, dárigerlik kabınetterge, sondaı-aq qarttar úıinde, sanatorıılerde jáne pansıonattarda kómekshi bola alady.

Joba «Ekonomıkalyq ósýdiń negizgi býyny retinde ǵylymı-tehnıkalyq progress» baǵyty boıynsha II orynǵa ıe boldy.

Qazaq tili sekııasynda Dagmara Ertanatova men Jánibek Kenjebek qyzyqty zertteý júrgizdi. Zııatkerler belgili jýrnalıst Beısen Quranbektiń tildik erekshelikterin anyqtady. Zertteýdiń negizgi nysany «Aıtýǵa ońaı» tok-shoýynyń shyǵarylymdary boldy. Sondaı-aq, jýrnalıst Beısen Quranbektiń kásibı tilindegi sózderdiń qoldanylýyna erekshe kóńil bólindi.

Osy joba barysynda B.Quranbek efırleriniń tili tek bir baǵdarlama negizinde zertteý júrgizildi. Efırdegi telejýrnalıst suhbatyna keshendi taldaý úlgisi jasaldy, Beısen Quranbek tiliniń shaǵyn sózdigi jasaqtaldy, - deıdi jas zertteýshiler.

Joba II orynǵa ıe boldy.

Lepsınskıı apparattyq shege zaýytynyń tarıhyn Aısana Eńsebaeva, Ińkár Qurmanbaeva zerttedi. Oqýshylar bul zaýyttyń Uly Otan soǵysy jyldaryndaǵy búkilodaqtyq mańyzyn sol jerde eńbek etken kýágerlerdiń – soǵys balalarynyń sózderinen bile aldy.

Sol bir shalǵaı zamandarda óz eńbegimen jeńisti jaqyndatqan qaısar apa-atalarymen kezdesý biz úshin úlken mártebe. Bul zaýyt balalardyń eńbegimen salynǵan eken. Sodan keıin zaýyt qurylǵannan keıin jas jumysshylar stanoktarǵa turyp, shege, avtokólikterge shynjyr, ısternalarǵa oıý shaıbalar, saýda symdaryn shyǵarypty - deıdi Ińkár Qurmabaeva óz zerteýinde.

Tyl ardagerleri, soǵys perzentteri – Haınysh Sandybaeva, Qadısha Nurahmetova, Mahambaı Bekqalıev, Nıkolaı Dolnıkov, Torǵyn Imanbekova, Oral Dáýletkeldınova, Emen Ahmetovterdiń áńgimeleri men estelikteri eshkimdi beı-jaı qaldyrǵan joq. Joba «Ólketaný» sekııasy boıynsha III orynǵa ıe boldy.

«Ekonomıka» bóliminde Maksım Sýrınniń «Pandemııa kezindegi ekonomıkalyq daǵdarysty sheshýge aqsha-nesıelik retteýdiń áseri» jobasy usynyldy. Maksım óz zertteýlerinde jahandyq pandemııa Qazaqstan ekonomıkasyna qalaı áser etkenin kórsetti. Joba avtorynyń aıtýynsha, jınalǵan derekter keıbir azamattardyń eldegi qazirgi ekonomıkalyq jaǵdaıdy túsinbeıtinin kórsetti. Halyqtyń qarjylyq saýattylyǵyn arttyrý úshin Maksım tegin sabaqtary bar onlaın veb-saıt qurdy.

Ekonomıkalyq joba da úshinshi oryndy ıelendi.

 

Pikirler