Qytaı Qazaqstannan keletin jolaýshylar úshin talapty ózgertti. Bul týraly Qytaıdyń Qazaqstandaǵy elshiliginiń resmı saıty málimdedi, dep habarlaıdy “Adyrna” ulttyq portaly.
"Epıdemııany qadaǵalaý maqsatynda Qytaı elshiligi men Qazaqstandaǵy bas konsýldyq "HS" nemese "HDC" densaýlyq kodyn alý talaptaryn engizedi", - delingen habarlamada.
"Qytaıdyń Qazaqstandaǵy elshiligi nemese bas konsýldyǵy ótinishti óńdegennen keıin jolaýshyǵa "densaýlyqtyń jasyl kody" beriledi. Ushýǵa tirkelý kezinde mobıldi qosymsha arqyly ashylǵan "densaýlyq jasyl kodyn" avıakompanııa qyzmetkerine kórsetip, ony teksertesiz", - delingen elshilik habarlamasynda.
Qazaqstannan ushyp shyqqan jáne úshinshi el arqyly tranzıtpen ótetin jolaýshylar nemese úshinshi elden shyǵyp, Qazaqstan arqyly Qytaıǵa tranzıtpen ótetin jolaýshylar PTR-synamadan ótip, "jasyl kodty" alý úshin kez kelgen tranzıttik nemese jóneltý pýnktterine ótinish bere alady. Jolaýshylar "densaýlyq kodynyń" jaramdy nemese jaramsyz ekenin Qytaıǵa ushpaı turyp tekserip alýy kerek.
