Almatylyq zańger Anna Chernova QR Densaýlyq saqtaý mınıstri Ajar Ǵınııatqa ýáj aıtyp, qyzmetine syn taqty, dep habarlaıdy "Adyrna" ulttyq portaly "Ulysmedia.kz" portalyna silteme kórsetip.
“Bizdiń ulttyq qaýipsizdigimizge dárigerlerdiń kesirinen qater tónip tur. Otstavkaǵa ketińiz! Siz óz reformalaryńyzben bizdiń halyqty soǵyssyz jáne álemdik pandemııasyz-aq qyrasyz. Prezıdent Qasym-Jomart Toqaev, Densaýlyq saqtaý mınıstrin ornynan alyńyz! Kún saıyn balalarymyz – bolashaǵymyz ólip jatyr! Dárigerlerdiń qolynan ólip jatqan qazaqstandyqtarǵa kim kómektesedi?! Qazaqstandyqtardyń qyrylýyn toqtatyńyz!”, - dep jazdy zańger áleýmettik jelilerde.
Zańgerdiń mundaı toqtamǵa kelýine Jambyl oblysynda qan alǵannan keıin shetinegen úsh aılyq qyzdyń ólimi sebep bolǵan.
“Men bul isti obektıvti túrde tergeýdi talap etemin. Sotqa deıingi tergeý ádettegideı sozbaqqa salynyp, kináliler taǵy da jazadan sytylyp ketpeýi kerek. Siz tipti qylmystyq jaýapkershilikke tartý statıstıkasyn kórdińiz be?! 5 jyl ishinde 83 adamnyń 27-si jaýapqa tartý merziminiń ótip ketýine baılanysty jazasyz qalǵan. Meniń oıymsha, bul kádimgi genoıd. Adamdar ólip jatyr jáne ol úshin eshkim jaýap bermeıdi. Biz óz elimizde qalaı qoryqpaı emdele alamyz?! Medıınamyzdy retke keltirýdi taǵy qansha adam ótinýi kerek? Nelikten sizder halyqtyń únin estigilerińiz kelmeıdi?”,- dedi zańger.
Instagram paraqshasynda zańgerdiń pikirin kóptegen qazaqstandyqtardy qoldaǵan.
Aıta keteıik, Ajar Ǵınııat Qazaqstannyń densaýlyq saqtaý mınıstri qyzmetine 2022 jylǵy 11 qańtarda taǵaıyndaldy.
"Adyrna" ulttyq portaly
