Qazaqstan men Qytai şekarasynda böget būzyldy.Būl aqparatty Şyǧys Qazaqstan oblysy Marqaköl audanynyŋ äkımdıgı rastady, dep habarlaidy “Adyrna” ūlttyq portaly.
Marqaköl audany äkımdıgınıŋ mälımetınşe, qazır Boran auylynda jaǧalaudy bekıtu jūmystary qyzu jürgızılıp jatyr
"Su 2 santimetrdei köterılıp jatyr. Bıraq būl tek osy auyl aumaǧynda. Ol jerde jūmys älı jürıp jatyr. Uchaskede 24 saǧattyq vahta ūiymdastyryldy. Olarda kölık, qaiyq, barlyq qajettı qūral-jabdyqtar bar. Audan äkımı oqiǧa ornynda, audandyq tötenşe jaǧdailar qyzmetınıŋ basşysy sol jerde", - dedı Marqaköl auyldyq okrugı äkımı apparatynyŋ bas mamany Äsem Bolysova.
Bügın, 22 mamyrdaǧy Su resurstary jäne irrigasiia ministrlıgınıŋ mälımetınşe, Qytai tarapy transşekaralyq özender boiynan 1400 m³/s aǧyn jyldamdyǧymen su aǧyzyp jatqanyn habarlady.
«Bız Qytaidan kelgen ärıptestermen bailanystamyz. Eldı mekenderdı su basu qaupı joq. Qara Ertıs (Ertıs) özenınde Boran kentındegı baqylau-ölşeu stansasy aimaǧyndaǧy su aǧyny 1700-1400 m³/s bolsa, qazır su deŋgeiı 543 santimetrdı qūrap otyr.
Bıraq būl aimaqta su deŋgeiı köterıledı dep kütılude. Şyǧys Qazaqstan oblysy «Qazvodhoz» filialynyŋ mamandary küşeitılgen rejimge köşırıldı. Öskemen su qoimasynan (Būqtyrma su qoimasynyŋ qarsy rettegışı) su tögu 500-den 800 m³/s-qa deiın ūlǧaityldy. Jaǧdai ministrdıŋ erekşe baqylauynda», - dep habarlady vedomstvonyŋ baspasöz qyzmetı.
Erteŋ Nūrjan Nūrjıgıtov Şyǧys Qazaqstan oblysyna attanady. Bügınde oblysta vise-ministr Aldamjarov jūmys ısteidı, dep qosty vedomstvodan.
