Memleket basyşysy Qasym-Jomart Kemelūly Almaty qalasyna jūmys saparymen keldı. Is-sapary barysynda ol qala halqymen kezdesu öttkızıp, aimaqtaǧy tüiıtkıldı mäselelerdı aişyqtap berdı, dep habarlaidy «Adyrna» tılşısı.
Kezdesu kezınde Prezident Tūrǧyn-üi kommunaldyq şaruaşylyǧy töŋıregınde oi örbıttı. Toqaev alyp qalanyŋ bırqatar audanynda ortalyqtan berıletın su joqtyǧyn alǧa tartty. Aituynşa, älı künge Almatynyŋ 30 myŋǧa juyq tūrǧyny sudy tasyp ışedı eken. Osyny eskergen Prezident qala äkımdıgıne 3 jyldyŋ ışınde barlyq tūrǧyndarǧa ortalyqtan su berudı tapsyrdy.
«Aldaǧy 2 jylda Qarǧaly, Aqsai özenderınen su alatyn 2 ırı qūrylǧyny ıske qosu kerek. Nauryzbai jäne Alatau audandarynda su jinaityn jaŋa ortalyqtar salu qajet. Būl şaralardyŋ arqasynda 150 myŋ adamǧa su berıledı. Ermensai jäne Barlyq özenderınen su tartu jüiesın de ıske qosu maŋyzdy»,- dedı Memleket basşysy.Su – tırşılık közı. Tūrǧyndardyŋ ömır sapasy tıkelei suǧa bailanysty. Sondyqtan, sumen qamtamasyz etetın jaŋa jelı salu, eskılerın jaŋǧyrtu jūmysyn basty nazarda ūstau kerek, degen Prezident Almatynyŋ tarihi ortalyǧynda kommunaldyq infraqūrylymnyŋ tozyp bara jatqanyn eske saldy.
«Äkımdık ondaǧy eskırgen jelını uaqtyly jaŋǧyrtyp otyruy kerek. Mysaly, «Tariftı investisiiaǧa aiyrbastau» baǧdarlamasy bar, sony tiımdı paidalanǧan jön. Barşaŋyzǧa belgılı, qala halqynyŋ sany kün ötken saiyn ösıp keledı. Sondyqtan, tūrǧyn-üi qūrylysyna airyqşa män berıledı»,-dedı öz sözınde Toqaev.
Ūqsas jaŋalyqtar
