Prezident Qasym-Jomart Toqaev Soltüstık Europanyŋ bırqatar memleketterınde Qūrandy örteu äreketterın qazırgı älemdegı şielenıstı uşyqtyruǧa, halyqtar men memleketter arasyndaǧy senımge nūqsan keltıruge baǧyttalǧan jol beruge bolmaityn arandatuşylyq dep sanaidy, - dep habarlaidy "Adyrna" tılşısı Aqordanyŋ baspasöz qyzmetıne sılteme jasap.
Qazaqstan Älemdık jäne dästürlı dınder liderlerınıŋ sezın ötkızudıŋ bastamaşysy bolyp tabylady. Būl forum dästürlı dınder men konfessiialardyŋ körnektı ökılderı arasyndaǧy tiımdı jäne jemıstı dialog alaŋyna ainaldy.
Memleket basşysy atap ötkendei, dıni vandalizm faktılerı men tiıstı memleketter azamattarynyŋ jauapsyz mınez-qūlqynyŋ köbeiuın memleketter men dınderdıŋ örkeniettı qatar ömır süruınıŋ jalpyǧa tanylǧan normalaryna qaişy keletın äreketter retınde bırauyzdan aiyptau kerek.
Sondai-aq ol Bırıkken Ūlttar Ūiymynyŋ Bas Assambleiasy da būl mäselege qatysty salmaqty sözın aituy kerektıgın aitty.
Eske sala keteiık, būǧan deiın Özbekstan prezidentı Şavkat Mirziiaev aatlǧan äreketke baǧa bergen bolatyn. Ol Şvesiiadaǧy qasiettı Qūrannyŋ örtenuın "Jer betındegı milliondaǧan adamdardyŋ dını men saf sezımderın qorlaityn mūndai jaǧdailarǧa jol beruge bolmaidy" dep atady.
Ūqsas jaŋalyqtar
