Almaty qalalyq mūraǧatynda «Jeltoqsan aqiqaty» patriottyq qozǧalys» Respublikalyq qoǧamdyq bırlestıgı ökılderı men qala tūrǧyndarynyŋ kezdesuı öttı. Oǧan osy bırlestıktıŋ töraǧasy Bolat Qūrymbaev, müşelerı Serık Mūhammetallin, Eraly Mämbetbaev, Almagül Mūhamanova, Güljamal Kenjealieva, Ǧani Qalmaqbaev jäne t.b. qatysty.
Kezedesude jeltoqsanşylar ötken künge şegınıs jasap äŋgıme bastaǧanda jiylǧan qauymnyŋ jüregın şymyrlatyp, közıne jas keltırdı. Mysaly, Almagül Mūhamanova jeltoqsan oqiǧasy kezınde orystarmen bırge jūmys ıstegenın, bırınşı künı alaŋǧa baryp, milisiia qyzmetkerlerınıŋ jastardy adam aitqysyz aiuandyqpen qorlaǧanyn ezıle jetkızdı. Ertesıne bet-auzy üsıp, jūmysqa barǧanyn, ol jaqta alaŋǧa şyqqanyn bılıp, jazalamaq bolǧanyn aitty. Abyroi bolǧanda jūmys orynyndaǧy jasy egde tartqan qazaq äielı bäleden aman saqtap qalǧan. Al Güljamal Kenjalina: «Köterılıs jaidan-jai bolǧan joq. Qonaev atamyzdy ornynan alyp tastaǧan sebebı de az bolatyn. Aralaryŋyzda baiqap otyrmyn, jastar da menen ülken de kısıler otyr eken. Bızdı sol kısıler tüsınedı dep oilaimyn, 86 jylǧa deiın de bızdıŋ elde qazaq ūltyna qatty qysym jasalǧan edı. Almatyda bır ǧana qazaq mektebı boldy. Qoǧamdyq kölıktegı orys äielderınıŋ qysymy, osyndai-osyndai qazaqty tolǧandyrǧan mäseleler jiylyp kelıp jeltoqsanda şyrqau şegıne jettı» – dedı.
Jiynda söz alǧandar bırauyzdan endı mūndai zūlmattyŋ bolmauyn tılep, täuelsızdıgımızdıŋ qadır-qasietın baǧalauǧa şaqyrdy. Būl şarany Almaty qalasy Işkı saiasat basqarmasynyŋ qoldauymen «Adyrna» ūlttyq-etnografiialyq bırlestıgı ūiymdastyrdy.
Jasūlan Nauryzälı
