Tıkelei efir üstınde tükırıp, köpşılıktıŋ aşuyn tuǧyzǧan deputat Erlan Sairov zaŋnama negızınde aiyppūl töledı. Özınıŋ äreketın “Ädılettı qoǧam” qūrudyŋ mysaly retınde körsetıp, el qazanynan as ışıp, halyq qazynasyna qol salǧan oligarhtar men alpauyttardy jazalauǧa şaqyrdy. Būl turaly “Adyrna” ūlttyq portaly habarlaidy.
“Qūrmettı dostar!
Bız qūqyqtyq memlekette ömır süremız.
Ärbır azamat özınıŋ ıstegenı üşın jauap beruı qajet.
Men keşegı "Habar" arnasyndaǧy "tükırık" üşın aiyppūl töledım. Zaŋ aldynda barlyq azamattar teŋ boluy kerek.Būl aksioma!
Sonda ǧana ädılettı qoǧam qūramyz!” - dep jazdy deputat.
Sonymen qatar, deputat el bailyǧy men jer bailyǧyn sülıkşe soryp kele jatqan ūry-qarylardyŋ attaryn atap, tüsterın tüstep körsetu, jazalau qajet ekendıgın qadap aitty.
“Basqa da azamattar zaŋ aldynda öz jauapkerşılıterın sezınuı qajet.
Äsırese, halyqtyŋ igılıgın jymqyryp qoiǧan oligarhtar men alpauyttar.
Olardyŋ jauapkerşılıgın bız közderıne "şoqşityp" körsetuımız qajet!
Ärbır adam özgerıstı özınen bastauy tiıs. Ärqaisymyz özgersek, memlekettı özgertemız!Menı qoldanǧan azamattarǧa köp Rahmet! Menı synǧa alǧan azamattarǧa da yrzaşylyǧymdy bıldıremın! Bız - Bırgemız!” - dedı Erlan Sairov.
