Mäjılıs deputaty Baqytjan Bazarbek joǧary oqu oryndarynda biudjet qarajatynyŋ tiımsız jūmsaluy men akkreditasiia jüiesındegı olqylyqtarǧa qatysty bırqatar syn aitty, dep habarlaidy "Adyrna" ūlttyq portaly Ūlysmediaǧa sıltep.
Deputattyŋ aituynşa, bılım beru salasynda memlekettık derekter bazalary men aqparattyq jüieler arasynda tolyqqandy integrasiia joq. Sonyŋ saldarynan memleket studentterdıŋ qozǧalysyn, granttardyŋ bölınuın jäne qarjynyŋ jūmsaluyn naqty baqylauda ūstai almai otyr.
Onyŋ sözınşe, būl jaǧdai qosarlanǧan qarjylandyruǧa, oqudan şyǧarylǧan studentterge tölemderdıŋ jalǧasuyna jäne özge de zaŋsyz shemalardyŋ paida boluyna äkeluı mümkın. Jalpy qarjylyq zaŋbūzuşylyq kölemı 4,4 mlrd teŋgenı, tiımsız paidalanylǧan qarajat 12,6 mlrd teŋgenı, al biudjet şyǧyndary men jıberılgen paida 1,5 mlrd teŋgenı qūraǧan. Sonymen qatar, 30,3 mlrd teŋge kölemındegı qarajat tiımsız jūmsalǧany aityldy.
Būdan bölek, deputat astanalyq L.N. Gumilev atyndaǧy Euraziia ūlttyq universitetı siiaqty joǧary oqu oryndaryn akkreditasiialau jüiesı de synǧa alyndy. Deputattyŋ pıkırınşe, bılım sapasyn baǧalauǧa tiıs būl jüie kei jaǧdaida formaldy sipat alyp, täuelsızdık qaǧidattaryna sai jūmys ıstemeidı. Baqytjan Bazarbek naqty mysal retınde akkreditasiia jürgızetın ūiymdar men universitetter arasyndaǧy yqtimal müddeler qaqtyǧysyn atady. Onyŋ sözınşe, keibır jaǧdailarda akkreditasiialyq agenttıkterdıŋ qūramynda universitet basşylyǧyna jaqyn tūlǧalar boluy mümkın, būl baǧalau obektivtılıgıne kümän tudyrady.
