Köp qabatty üiden şyqqan örtten üş adamdy qūtqaryp, erlıkpen qaza tapqan Asqar Zabikulinnıŋ esımı elordadaǧy Esıl audanyndaǧy köşelerdıŋ bırıne berıledı. Būl turaly qala äkımdıgınıŋ baspasöz qyzmetı aitty, dep habarlaidy «Adyrna» tılşısı.
«Astana onomastikalyq komissiiasynyŋ otyrysynda Esıl audanynda (Ürker TM) ornalasqan E-583 köşesınde adamdardy qūtqarǧan jäne örttı söndıru kezınde erlıkpen qaza tapqan Asqar Zabikulinnıŋ esımın beru turaly şeşım qabyldandy. Batyr esımın özı qyzmet etken №6 mamandandyrylǧan ört söndıru bölımıne beru, mekeme aldyna biust ornatu ūsynyldy. Sonymen qatar estelık suretın şahardaǧy A.Puşkin köşesınde ornalasqan «Qūtqaruşylar saiabaǧyndaǧy» aqparattyq taqtaǧa ornalastyru turaly şeşım qabyldandy»,—dedı vedomstvo.Aita keteiık, būǧan deiın Memleket basşysynyŋ tapsyrmasy boiynşa qūtqaruşy Asqar Zabikulinnıŋ otbasyna üş bölmelı päterdıŋ kıltı tabystalǧan bolatyn.
