Künı keşe Aqtau qalasynyŋ äkımı Erbol Izbergenov qaladaǧy ystyq su tapşylyǧyna bailanysty mälımdeme jasap, tüsınıkteme berdı, dep habarlaidy "Adyrna" ūlttyq portaly. Qazır qaladaǧy tozyǧy jetken qūbyrlar men kärız jüiesı jaŋartylyp jatyr.
Lada.kz saitynyŋ habarlauynşa, ystyq sudan tarşylyq körudıŋ basty sebebı "MAEK-Qazatoprom" JŞS-nıŋ tozyǧy jetken jabdyqtarymen tyǧyz bailanysty. Qazırgı taŋda kärız jüiesı men qūbyrlar josparly türde jöndelıp jatyr.
"Keşeden berı ystyq su tapşylyǧy mäselesımen betpe-bet keldık. Onyŋ basty sebebı - "MAEK-Qazatoprom" JŞS-nıŋ tozyǧy jetken jabdyqtaryn josparly jöndeu. Qala tūrǧyndaryn üzdıksız jylumen qamtamasyz etu üşın amalsyzdan ystyq su berudı uaqytşa şekteuge tura keldı. Būl jaǧdai menıŋ jıtı baqylauymda. Qazır mäselenı qysqa merzımde şeşu üşın barlyq küş jūmyldyryldy. Barlyq azamatty sabyrǧa şaqyramyz!" - dedı Aqtau qalasynyŋ äkımı Erbol Izbergenov.Äkım tūrǧyndarǧa tez arada ystyq su jetkızuge mūryndyq bolaryn aityp otyr. Biylǧy qys qazaqstandyqtardy sarsaŋǧa saldy. Elde jylytu mausymy bastalǧaly berı 26 tehnologiialyq apat oryn alyp, halyq beimaza küi keştı.
"Adyrna" ūlttyq portaly
Ūqsas jaŋalyqtar
