Lada.kz saıtynyń habarlaýynsha, ystyq sýdan tarshylyq kórýdiń basty sebebi "MAEK-Qazatoprom" JShS-niń tozyǵy jetken jabdyqtarymen tyǵyz baılanysty. Qazirgi tańda káriz júıesi men qubyrlar josparly túrde jóndelip jatyr.
"Kesheden beri ystyq sý tapshylyǵy máselesimen betpe-bet keldik. Onyń basty sebebi - "MAEK-Qazatoprom" JShS-niń tozyǵy jetken jabdyqtaryn josparly jóndeý. Qala turǵyndaryn úzdiksiz jylýmen qamtamasyz etý úshin amalsyzdan ystyq sý berýdi ýaqytsha shekteýge týra keldi. Bul jaǵdaı meniń jiti baqylaýymda. Qazir máseleni qysqa merzimde sheshý úshin barlyq kúsh jumyldyryldy. Barlyq azamatty sabyrǵa shaqyramyz!" - dedi Aqtaý qalasynyń ákimi Erbol Izbergenov.
Ákim turǵyndarǵa tez arada ystyq sý jetkizýge muryndyq bolaryn aıtyp otyr.
Bıylǵy qys qazaqstandyqtardy sarsańǵa saldy. Elde jylytý maýsymy bastalǵaly beri 26 tehnologııalyq apat oryn alyp, halyq beımaza kúı keshti.
"Adyrna" ulttyq portaly
