Halyqaralyq "Şekarasyz reporterlar" ūiymynyŋ mälımetı boiynşa, 2022 jyly küllı älemde 533 jurnalist ūstalyp, 57 maman qaza tapqan. Meksika osymen törtınşı jyl qatarynan BAQ qyzmetkerlerı üşın eŋ qauıptı el retınde tanyldy. Meksika jerınde 11 jurnalist ömırımen qoştasty. Mūndai derekter jaily "Adyrna" ūlttyq portaly "Forbes.ru"-ǧa sılteme körsete otyryp habarlaidy.
Älem boiynşa 2022 jyldyŋ 11 aiynda 533 jurnalist ūstalǧan. Körsetkış ötken jyldan 13,4%-ǧa joǧarlap, rekordtyq mejege jettı. Mūndai derekterdı halyqaralyq "Şekarasyz reporterlar" ūiymy (RSF) jyl saiynǧy esep beru otyrysynda ūsyndy.
Jurnalisterdıŋ basyna eŋ köp būǧalyq salǧan el - Qytai. Qazır Qytaida 110 maman qamauda otyr.
"Senzurasy men baqylauy ekstremaldy deŋgeige jetken Qytai älı künge deiın jurnalister üşın älemdegı eŋ ırı türme bolyp qala beredı",-dedı RSF mamandary.Ūstalǧan, qamalǧan, qudalanǧan jurnalister sany boiynşa ekınşı orynda — Mianma memleketı, onda 62 BAQ qyzmetkerı qamauǧa otyr. Odan keiın İran (47), Vetnam (39) jäne Belarus (31) elderı jurnalisterge qysym körsetude köptı ozdy. Resei saqşylary, ūiymnyŋ mälımetı boiynşa, 18 jurnalistı qamaǧan. Biylǧy ūstalǧan käsıbi BAQ qyzmetkerlerınıŋ käsıbi qyzmetıne 15%-y äielder (78 jurnalist). Körsetkış 2021 jylmen salystyrǧanda 30%-ǧa köp. RSF ökılderı būl körsetkıştıŋ de rekordqa ainalǧanyn aityp otyr. Mamardardyŋ aituynşa, bes jyl būryn älem boiynşa ūstalǧan äiel jurnalisterdıŋ ülesı 7% - dan az edı. "Şekarasyz reporterlerdıŋ" sözıne seksek, qazır älem boiynşa kemı 65 jurnalist pen özge de BAQ qyzmetkerlerı kepılge alynǧan. Ekeuı habar-oşarsyz ketken. Biyldyqqa qasaqana öltırılgen aqparatşylardyŋ da sany ösken. 57 adam. Sandyq statistika 2021 jylmen salystyrǧanda 18,8%-ǧa artyq. Sonymen qatar, RSF öz esebınde jurnalisterdıŋ taǧdyryna qatysty eldı dür sılkındırgen qadamdardy, būl jyldaǧy oqiǧalardy da atady. Onyŋ arasynda "Vedomosti" jäne "Kommersant" jurnalistı, "Roskosmos" basşysy İvan Safronovtyŋ taǧdyry bar. Ol memleketke opasyzdyq jasady degen aiyppen qataŋ rejimdegı koloniiaǧa toǧytylyp, 22 jylǧa bas bostandyǧynan aiyrylǧan edı. Būl ükım de jyl tarihynda jurnalister üşın eŋ auyr oqiǧa bolyp qaldy.
"Adyrna" ūlttyq portaly
Ūqsas jaŋalyqtar
