Álem jurtshylyǵyn koronavırýs qaıta qyspaqqa aldy. Qytaıda karantın talaptarynan halyq mezi bolsa, Taılandta jańa jylǵa oraı maska taǵý mindetteli. Bul jaıly "Adyrna" ulttyq portaly habarlaıdy.
Taılandta koronavırýstyń taralý sheńberi keńeıtip keledi. Soǵan oraı Taıland COVID-tiń aldyn alý sharalaryn qabyldap jatyr. Sońǵy ýaqytta eldiń týrıstik provınııalarynda koronavırýs juqtyrǵandar sany artqan. El bıligi Jańa jyldy toılaýǵa qatysty birqatar shekteýler engizdi.
Bangkok gýbernatory Chadchart Sıttıpýnt jappaı merekelik sharalarǵa tyıym salynbaǵanyn aıtty. Alaıda adam kóp jınalatyn jerlerde barlyǵy, sonyń ishinde týrıster de betperde taǵýǵa májbúr bolady, dep jazdy Bangkokpost.
Sonymen qatar, merekelik is-sharany uıymdastyrýshylar kópshilikpen birge Jańa jyldy toılaý úshin arnaıy ruqsat alýy kerek. El úkimeti qaıtadan ekpe salýdy da qolǵa ala bastady. Ol úshin ekpe salatyn arnaıy oryndar sany kóbeıtildi.
Onyń ústinde Taılandtyń patshasy Maha Vajıralongkorn (Rama X) men patshaıymy Sýtıda da koronavırýs juqtyrdy. Bul jóninde Patsha saraıynyń bıýrosy málimdedi. Qazir dárigerler el basshylarynyń qyzmetin ysyryp qoıyp, em qabyldaýyna úgittep jatyr.
"Adyrna" ulttyq portaly
