Qarjy monıtorıng agenttigi Mıhaıl Kozachkovty ustaǵanyn málimdedi, dep habarlaıdy “Adyrna” ulttyq portaly.
Agenttiktiń baspasóz qyzmetiniń málimetinshe, ol Kospaevtyń uıymdasqan qylmystyq tobyna reıderlik basyp alýlar jasaýǵa kómektesken degen kúdikke ilingen.
Aqparatqa súıensek, Qospaev pen onyń sybaılastary tanymal kásipkerlerdiń bıznesin tartyp alýy teris qoǵamdyq rezonans týdyratynyn túsinip, Kozachkovtyń qyzmetterin reıderlik basyp alý qurbandaryna aqparattyq shabýyl jasaý maqsatynda paıdalandy.
Óz kezeginde, Kozachkov quqyq qorǵaý organdarynda kóp jyldyq tájirıbesi bar dosy Býrhan Janseıitovty iri kólemdegi syıaqyǵa UQT múshelerine sybaılastyq jasaýǵa tartqan.
Sondaı-aq, óziniń burynǵy baılanystary arqyly UQT qajettilikteri úshin, sonymen qatar keıin jarııalaýǵa arnalǵan aıyptaıtyn aqparattardy jınaǵan.
“Sonymen qatar, Janseıitov Kozachkovqa Telegramm-kanalyn moderaııalaýǵa kómektesti, atap aıtqanda, jýrnalıstiń jarııalanymdarynyń astyna UQT basqa múshelerimen birigip, kommentarııler ornalastyrý arqyly qoǵamdyq pikir qalyptastyrdy.
Posttarǵa jaǵymsyz pikirler qaldyrǵan jazbalardy óshirip, paıdalanýshylardy buǵattap otyrǵan”, - delingen aqparatta.
Tergeý barysynda Janseıtov pen Kozachkovtyń óz qyzmettir úshin UQT múshelerinen 52 mln teńge syıaqy alǵany dáleldengeni aıtylady.
Kásipker Ábdiǵapparovtyń sheshesi Júnisbekovaǵa tıesili "Esentaı sıtı" jobasyndaǵy úlesti reıderlik basyp alý pıǵylyn iske asyrý úshin Kozachkov Ábdiǵapparovtyń bedelin túsiretin birqatar maqalalar jarııalaǵan.
“Bul rette jýrnalıst "Buqaralyq aqparat quraldary týraly" zań talaptaryn óreskel buzdy, óıtkeni keıbir jaǵdaılarda ol kórineý jalǵan málimetterdi, sondaı-aq banktik, otbasylyq jáne basqa da zańmen qorǵalatyn qupııaǵa qatysty derekterdi taratty.
Aǵymdaǵy jyldyń sáýir aıynda kásipker Abdýllaev Kospaevtyń UQT múshesi – Shalın Rýslan tarapynan shyny ydystar shyǵaratyn zaýytty reıderlik basyp alý faktisi týraly jurtshylyqqa júgindi, olar zańdy menshik ıesin basqarýdan shettetýge tyrysty”, - dep qosty qarjy monıtorıng agenttigi.
Agenttiktiń baspasóz qyzmetiniń málimetinshe, jolǵa qoıylǵan shema boıynsha, UQT múddesi úshin áreket ete otyryp, Kozachkov zaýyt ıesiniń bedelin túsiretin birqatar maqalalar jarııalaǵan. Bul rette Almaty oblysy turǵyndarynyń alkogol ónimimen ýlanýy jáne jábirlenýshiniń qasaqana kisi óltirýge qatysy bar ekendigi týraly kórineý jalǵan málimetter taratyldy.
2022 jyldyń shilde aıynyń basynda Qospaevtyń UQT músheleri qarjylyq monıtorıng organdary olardyń qylmystyq áreketterin áshkereleý boıynsha jedel is-sharalar men tergeý júrgizip jatqanyn quqyq qorǵaý organdaryndaǵy derekkózderi arqyly bilgen. Jasalǵan qylmystary úshin qylmystyq jaýapkershilikke tartylýdan qorqyp, UQT músheleri Tanashev, Shalın, Kospaev Aıdos Kozachkov pen Janseıitovtyń qatysýymen Eldos Kospaevtyń úılestirýimen tergeý organynyń bedelin túsirý jáne onyń jumysyna kedergi jasaý josparyn iske asyrǵan.
“Aǵymdaǵy jyldyń 12 shildesinde Almaty qalasynda Janseıitov UQT belsendi múshesi - Aıdos Kospaevqa baqylaýdy júrgizgen jedel qyzmetkerlerdiń mashınasynyń jolyn buǵattady.
Aldyn ala daıyndalǵan senarıı boıynsha advokattar men Kozachkov oqıǵa ornyna keldi, olar qorǵaýshylardy jasyryn baqylaýdy áshkerelegeni týraly jalǵan málimetterdi kópshilikke tarata bastady.
Bıllıng pen baqylaý kameralaryn qoldaný arqyly jedel mashınanyń sol kúni nemese aldyńǵy birneshe kúnde advokattardyń júrý baǵyty boıynsha múldem qıylyspaǵany senimdi túrde anyqtaldy.
Kozachkov naqty derekterdiń burmalanýymen baılanysty jaǵdaıdy UQT múddesi úshin qamtyp qana qoımaı, olardyń is-áreketterin sol jerde úılestirdi jáne Kospaev Aıdosqa baqylaýdan jasyrynýǵa múmkindik berdi. Nátıjesinde sońǵysy izdeýge jarııalandy”, - dep jazdy agenttik.
Budan basqa, Kozachkovqa jáne basqa tulǵalarǵa qatysty memlekettik qupııalardy quraıtyn málimetterdi zańsyz jınaý jáne taratý faktileri boıynsha qylmystyq is tergelýde.
Qazirgi ýaqytta tergeý jalǵasýda, Kospaevtyń UQT músheleriniń basqa da qylmystarǵa qatysy bar-joǵy tekserilýde.
