Siriiaǧa barǧannan adam qaita almaidy. Qaşpaq bolǧandar qataŋ jazalandy, keibırın ölım jazasyna kesken. ŪQK-nıŋ mälımdeuınşe, soǧys qaşamyz degen bırneşe qazaqstandyq ölım jazasyna kesılgen
Qazaqstandyqtardy Siriiadan evakuasiialauǧa qatysty Syrtqy ıster ministrlıgınde ötken brifing kezınde ŪQK departament basşysy Baqytbek Rahymberdiev osyndai mälımdeme jasady.
Resmi tūlǧanyŋ aituynşa, Siriiaǧa tartu jūmystary meşıtterde emes, ǧalamtor men äleumettık jelıler arqyly şetelden jürgızılgen.
"Siriiaǧa tartuşylar otandastarymyzben internet jäne äleumettık jelı arqyly söilese bastaǧan. Ol jerdegı ömırdı nasihattap, bärı ädılettı ekenın aityp, dıni zaŋdardyŋ berık saqtalatynyn alǧa tartqan. Osylaişa, adamdardy qyzyqtyrǧan", - deidı Baqytbek Rahymberdiev.
Osy ertegıge senıp Siriiaǧa barǧan adamdar onda mūsylmandar toptarǧa bölınıp, bır-bırımen soǧysyp jatqanyn, ädılettılıktıŋ joq ekenın körgen.
"Ol jerge barǧan soŋ, qaitu mümkın emes. Bızde bırneşe otandasymyzdy qaşuǧa talpynysy üşın ölım jazasyna keskenı turaly aqparat bar", - dedı ŪQK departament basşysy.
Baqytbek Rahymberdievt “ömırlık täjıribesı, bılımı joq jastar osyndai ötırıkke senıp qalady» dedı.
Qazır qauıpsızdık maqsatynda äleumettık jelıler tekserıledı. Sonyŋ nätijesınde "jüzdegen adamnyŋ" közqarasyn özgertken.
ŪQK soŋǧy ekı jarym jylda soǧys aimaǧyna qazaqstandyqtardyŋ ketpegenın mälımdedı.
Eske sala ketsek, 6-şy qaŋtar künı Nūrsūltan Nazarbaev Siriiadan 47 qazaqstandyqtyŋ şyǧarylǧanyn mälımdegen edı.
Sonyŋ ışındegı jetı azamat «terrorizmge qatysy bar» degen küdıkke ılındı.
«Adyrna» ūlttyq portaly
