Oralda äiel adam sauda ortalyǧynda jaraqat aldy. Onyŋ aiaǧy eskalatorda qysylyp qalǧan, dep habarlaidy “Adyrna” tılşısı "Moi gorod" saityna sılteme jasap.
Oqiǧa 25 jeltoqsanda sauda ortalyǧynda boldy.
BQO densaulyq saqtau basqarmasynyŋ baspasöz qyzmetınen habarlaǧandai, saǧat 10:03-te şaqyrtu tüstı.
"1982 jyly tuǧan, oŋ jaq jılınşıgınıŋ üşten bır bölıgı jaralanǧan zardap şekken äiel oblystyq köpsalaly auruhanaǧa jetkızıldı. Onyŋ aiaǧy eskalatorda qysylyp qalǧan", – dedı densaulyq saqtau basqarmasynyŋ baspasöz qyzmetı.
Polisiia aqparatty rastady.
"Anyqtalǧan aqparat boiynşa, oqiǧa nauqastyŋ abaisyzdyǧynan bolǧan. Qazırgı uaqytta poliseiler ne bolǧanyn tüsınude", – dep habarlady BQO polisiia departamentınıŋ baspasöz qyzmetı.
Sauda ortalyǧynyŋ äkımşılıgı būl turaly pıkır bıldırmedı.
