Oralda ekı künde 11 jastaǧy qyz bala jäne 15 jastaǧy ūl bala suǧa batyp kettı. Ekı qaiǧyly oqiǧa da şomyluǧa arnalmaǧan su aidyndarynda bolǧan. Būl turaly Nadezhda.kz basylymy jazdy, dep habarlaidy “Adyrna”.
Aqparatqa säikes, qaiǧyly oqiǧanyŋ alǧaşqysy 16 mamyr künı saǧat 13:00 şamasynda Teleortalyq audanynda bolǧan. Qūtqaruşylardyŋ mälımetınşe, 11 jasar qyz bala Şaǧan özenınıŋ jaǧasynda oinap jürıp, aiaǧy taiyp suǧa qūlaǧan. Qasynda ülkender bolmaǧandyqtan, bala suǧa batyp ketken. Oqiǧa ornyna TJD qyzmetkerlerı jetkenımen, ızdestıru jūmysy şamamen ekı saǧatqa sozyldy Süŋguırler qyz balanyŋ denesın ekı saǧattan keiın tauyp, su betıne şyǧara aldy.
Ekı künnen keiın taǧy bır qaiǧyly jaǧdai Krugloozernoe kentınde boldy. Saǧat 19:30 şamasynda 15 jastaǧy jasöspırım Köşım özenınıŋ demaluǧa jabdyqtalmaǧan jerınde şomylǧan. Bala su astyna ketıp qalǧan, şamamen bır saǧattan keiın ǧana qūtqaruşylar denesın tapqan.
Batys Qazaqstan oblysynyŋ TJD suda adamdardyŋ qaza tabuynyŋ negızgı sebepterı tyiym salynǧan oryndarda şomylu, suǧa mas küiınde tüsu, jüze almau jäne balalardyŋ qarausyz qaluy ekenın eske saldy.
«Su aidyndaryndaǧy qauıpsızdık erejelerın būzu nemese oryndamau QR ÄQBtK-nıŋ 412-babyna säikes aiyppūl saluǧa äkep soǧady: jeke tūlǧalar üşın 7 AEK, nemese 30 275 teŋge, zaŋdy tūlǧalar üşın 10 AEK, nemese 43 250 teŋge kölemınde», – dep habarlady vedomstvo.
TJD mälımetınşe, jyl basynan berı atalǧan bap boiynşa tört adamǧa aiyppūl salynǧan.
