Oral qalasynda Qazaqstan Respublikasy Prezidentınıŋ Teleradiokeşenı ūiymdastyrǧan «Hronikadan bolaşaqqa» respublikalyq kinolektoriiı öz jūmysyn bastady. Prezident Teleradiokeşenınıŋ 30 jyldyǧyna arnalǧan auqymdy aǧartuşylyq joba elımızdıŋ öŋırlerın aralap, 19–20 mausym künderı Batys Qazaqstan oblysynda ötude.
Otandyq derektı kinony nasihattauǧa jäne tarihi jadyny saqtauǧa baǧyttalǧan şaraǧa oblys tūrǧyndary, jastar, mädeniet salasynyŋ ökılderı men qoǧam belsendılerı qatysty. Ekı kün boiy körermenderge Prezident Teleradiokeşenınıŋ Derektı kino ortalyǧy tüsırgen Qazaqstannyŋ zamanaui tarihyn, qoǧamdaǧy maŋyzdy özgerısterdı jäne adam taǧdyrlaryn baiandaityn üzdık derektı filmder ūsynylady.
Kinolektoriidıŋ aşylu saltanatynda Batys Qazaqstan oblysy äkımdıgı apparatynyŋ basşysy Nürdıldä Oraz qūttyqtau söz söilep, jobanyŋ öŋır üşın maŋyzdylyǧyna toqtaldy.
– Bügın Batys Qazaqstan oblysy üşın, Oral qalasy üşın erekşe kün. Bız Qazaqstan Respublikasy Prezidentı Teleradiokeşenınıŋ 30 jyldyǧy aiasynda ūiymdastyrylǧan «Hronikadan bolaşaqqa» respublikalyq kinolektoriiın öz törımızde qarsy alyp otyrmyz. Būl auqymdy aǧartuşylyq joba elordamyz Astanadan bastau alyp, bügınde bızdıŋ öŋırge jettı. Mūndai bastamanyŋ bır bölıgı bolu bız üşın ülken märtebe. Öitkenı būl joba Täuelsız Qazaqstannyŋ maŋyzdy kezeŋderın därıptep, ūlttyq jadymyzdy saqtauǧa qyzmet etedı, – dedı Nürdıldä Oraz.
Onyŋ aituynşa, Prezident Teleradiokeşenı otyz jyl boiy elımızdıŋ qoǧamdyq-saiasi ömırındegı maŋyzdy oqiǧalardy, memlekettık reformalardy, halyqaralyq bastamalardy jäne qarapaiym azamattardyŋ taǧdyryn beineleitın bıregei vizualdy şejıre qalyptastyryp keledı.
Film körsetılımderı bastalmas būryn Prezident Teleradiokeşenı Derektı kino ortalyǧynyŋ bas prodiuserı Ädılbek Qūlaman söz söilep, kinolektoriidıŋ negızgı maqsaty turaly aitty.
– Derektı kino – uaqyttyŋ ainasy. Ol elımızdıŋ tarihynda ız qaldyrǧan maŋyzdy oqiǧalar men tūlǧalardy keiıngı ūrpaqqa jetkızedı. Būl joba arqyly öŋır tūrǧyndary Derektı kino ortalyǧynyŋ üzdık tuyndylaryn körıp qana qoimai, olardyŋ avtorlarymen tıkelei pıkır almasuǧa mümkındık alady. Bız üşın filmderdıŋ körermen jüregınen oryn tauyp, oi saluy maŋyzdy, – dedı Ädılbek Qūlaman.
Kinolektoriidıŋ alǧaşqy künı körermen nazaryna «SERT» jäne «ARAL» derektı filmderı ūsynyldy.
«SERT» filmı 2024 jyldyŋ köktemınde elımızdıŋ bırneşe öŋırınde, sonyŋ ışınde Batys Qazaqstan oblysynda oryn alǧan ırı su tasqynynyŋ saldaryn baiandaidy. Tuyndyda apattyŋ kuägerlerı men zardaptaryn joiuǧa qatysqan azamattardyŋ oqiǧalary arqyly qiyn kezeŋdegı halyqtyŋ bırlıgı men janaşyrlyǧy körsetıledı.
Al «ARAL» derektı filmınde ömırın Aral teŋızındegı balyq şaruaşylyǧyna arnaǧan Küntuǧan Tūrǧynbaevtyŋ taǧdyry baiandalady. Film arqyly körermender Aral öŋırınıŋ tarihymen, ekologiialyq mäselelerımen jäne sol öŋırde ömır sürıp jatqan adamdardyŋ taǧdyrymen tanysady.
Oral qalasynyŋ tūrǧyny Äliia Smaǧūlova körgen filmderden alǧan äserımen bölıstı.
– Maǧan äsırese «SERT» filmı qatty äser ettı. Sebebı su tasqyny bızdıŋ öŋırdıŋ köptegen tūrǧyndaryna tıkelei äser ettı. Osyndai derektı filmder bastan ötken oqiǧalardy jaŋaşa tüsınuge mümkındık beredı, – dedı ol.
Kinolektorii Oral qalasynda erteŋ, 20 mausym künı de jalǧasady. Ekınşı künı körermender elımızdıŋ turistık äleuetın tanystyratyn «TRAVEL KAZAKHSTAN» jäne Kaspii teŋızındegı Qūlaly aralynda ūzaq jyldar qyzmet etken Petr Lupenkovtyŋ ömırı turaly baiandaityn «ChELOVEK S OSTROVA KULALY» derektı filmderın tamaşalai alady.
Aita keteiık, «Hronikadan bolaşaqqa» respublikalyq kinolektoriiı Prezident Teleradiokeşenınıŋ 30 jyldyǧyna orai ūiymdastyrylyp otyr. Joba Qazaqstannyŋ 20 qalasyn qamtyp, qyrküiek aiynda Almaty qalasynda qorytyndylanady. Onyŋ negızgı maqsaty – otandyq derektı kinony keŋınen nasihattap, Täuelsız Qazaqstannyŋ körnekı tarihyn keler ūrpaqqa jetkızu.
