"Elvıra Ábilhasymqyzy Azımova Qazaqstan Respýblıkasy Konstıtýııalyq sotynyń tóraǵasy laýazymyna 2023 jylǵy 1 qańtardan bastap taǵaıyndalsyn", - delingen prezıdent jarlyǵynda.
Prezıdent Konstıtýııalyq Sottyń kadrlyq quramyn jasaqtaý kezinde sabaqtastyq saqtalýǵa tıis ekenin aıta kelip, jańa organnyń tóraǵasyna aıryqsha mindet júkteletinine nazar aýdardy. Osy rette Memleket basshysy osy jaýapty qyzmetke Elvıra Ábilhasymqyzy Azımovany usyndy.
"Elvıra Ábilhasymqyzy – tájirıbeli, bilikti maman. Zań shyǵarý jumysyn, halyqaralyq quqyq salasyn óte jaqsy biledi. Ol 20 jyldan astam ýaqyt Ádilet mınıstrliginde eńbek etti. Qatardaǵy qyzmetkerden mınıstrdiń orynbasary laýazymyna deıin kóterildi. 2019 jyldan beri Adam quqyqtary jónindegi ýákil qyzmetin atqaryp keledi. Sizderden Elvıra Ábilhasymqyzy Azımovany Adam quqyqtary jónindegi ýákil laýazymynan bosatyp, Konstıtýııalyq sottyń tóraǵasy laýazymyna taǵaıyndaýǵa kelisim berýdi suraımyn", – dedi Memleket basshysy Senat otyrysynda.
Senat depýtattary ashyq daýys berý arqyly Elvıra Ábilhasymqyzy Azımovanyń kandıdatýrasyn biraýyzdan qoldady.
"Adyrna" ulttyq portaly