Elımızde qaryzyn ötei almai jürgender 3 nauryzdan bastap bankrottyqqa ötınış bere alady, dep habarlaidy «Adyrna» tılşısı.
2022 jylǧy 29 jeltoqsanda QR Parlament Senaty «Qazaqstan Respublikasy azamattarynyŋ tölem qabılettılıgın qalpyna keltıru jäne bankrottyǧy turaly» Zaŋdy maqūldady.
Ol sottan tys bankrottyǧy, sot bankrottyǧy jäne tölem qabılettılıgın qalpyna keltıru räsımderın qarastyrady.
Barlyq üş räsımdı tek boryşker ǧana bastaidy, iaǧni nesie beruşı nemese özge kreditor boryşkerge qatysty būl räsımderdı qoldanuǧa qūqyǧy joq.
5,5 million teŋgeden asatyn qaryzdar boiynşa jäne basqa da bereşek türlerı boiynşa azamattar sot bankrottyǧyna jügıne alady. Onyŋ maqsaty — bankrottyŋ mülıktık massasy esebınen kreditorlardyŋ talaptaryn barynşa qanaǧattandyru.
Bankrottyqtan keiın paida bolatyn saldar:
– 5 jylǧa nesieler men kreditter alu şekteuı;
– 7 jyldan keiın ǧana bankrottyqqa qaita jügınu qūqyǧy;
– 3 jyl qarjylyq jaǧdaiyna monitoring jürgızıletın bolady.
Aita keteiık, aliment öndıru, basqa adamnyŋ ömırı men densaulyǧyna keltırılgen ziiandy öteu, sondai-aq qylmystyq qūqyq būzuşylyqtar üşın keltırılgen ziiandy öteu boiynşa bereşekter esepten şyǧarylmaidy.
Ūqsas jaŋalyqtar
