Elımızde jastardy jūmysqa ornalastyru ıs-şarasyna özgerıster engızıldı. Būl turaly QR Premer-Ministrınıŋ orynbasary Altai Kölgınov mälımdedı, dep habarlaidy «Adyrna» tılşısı.
Aituynşa, oqudy endı bıtırgen täjıribesız jastardyŋ bärı bırdei jūmysqa tūra almaidy.
«Osy üşın «NEET jastar» ūǧymy (oqymaityn, jūmys ıstemeitın jäne bılıktılıgı joq jastar) zaŋnamalyq türde bekıtılgen. Jastardyŋ basym bölıgın memlekettık qoldau şaralarymen qamtu üşın Memleket basşysynyŋ tapsyrmasy boiynşa olardyŋ jasy 35 jasqa deiın ūlǧaityldy. Osylaişa, jastar sany 5,7 mln adamǧa deiın östı»,—dedı ol.Altai Kölgınov būl mäsele boiynşa qandai şaralar qabyldanyp jatqanyn atap öttı.
«Bırınşı. 2022 jyldyŋ nauryz aiynan bastap «Jastar praktikasy» (6 aidan 12 aiǧa deiın, 25-ten 30 AEK-ke deiın) jäne «Alǧaşqy jūmys orny» (12-den 18 aiǧa deiın, 20-dan 30 AEK-ke deiın) jobalary boiynşa ūzaqtyǧy men jalaqysy ūlǧaityldy. Būl şaralar 177 myŋnan astam jasty jūmysqa (onyŋ ışınde 107 myŋnan astamy tūraqty jūmys oryndaryna) ornalastyruǧa mümkındık berdı. «Bastau biznes» jobasy aiasynda 70 myŋǧa juyq jas onlain-oqytudan öttı; «Jasyl el» jobasy boiynşa 2025 jylǧa deiın jyl saiyn eldı mekenderdı abattandyru maqsatynda aqyly mausymdyq jūmysqa 30 myŋ jas jūmyldyrylatyn bolady. Ekınşı. Memleket basşysynyŋ tapsyrmasy boiynşa 21 jastan 35 jasqa deiıngı jastar üşın jyldyq 2,5% jeŋıldıkpen şaǧyn nesie beru tetıgı engızılude. Nesienıŋ eŋ joǧary somasy – 5 mln teŋgege deiın. 2023 jyly 6 myŋǧa juyq şaǧyn nesie beru josparlanyp otyr. Öz biznesın aşu üşın 12 myŋnan astam jasqa 400 AEK (1 mln 200 myŋ teŋgeden astam) mölşerınde granttar berıldı. Üşınşı. Jaŋa äleumettık kodeks aiasynda 3,3 mln-nan astam adamdy, onyŋ ışınde 2,3 mln jasty jūmysqa ornalastyru josparlanyp otyr. Naqtyraq aitqanda, ūlttyq jobalar men biznestıŋ jeke bastamalary aiasynda qūrylatyn jaŋa jūmys oryndary, memleket subsidiialaityn jūmys oryndary, öz ısın aşuǧa arnalǧan qūraldar; jūmys küşınıŋ tabiǧi retteluıne bailanysty bos oryndar jäne t.b. Törtınşı. 2 qalada jäne 6 oblysta jastarǧa arnalǧan öŋırlık tūrǧyn üi baǧdarlamalary ıske qosyldy»,—dedı Premer-Ministrdıŋ orynbasary.Söz soŋynda ol Memleket basşysynyŋ jastardy jūmyspen qamtu jäne äleumettendıru mäselelerın erekşe baqylauda ūstaitynyn atap öttı. https://youtu.be/ALmFol_GKKY
