"Adyrnaǧa" artqan ümıt aqtaldy

Qyrküiek aiynda jariialaǧan myna bır maqalamyzda (https://qandastar.kz/?p=757 ) Berzat Jūmaǧazy esımdı jas otbasynyŋ Qazaqstanǧa zaŋdy kelıp, jyldar öte türlı sebeptermen qūjatsyz tentırep ketkenı turaly jazyp edık. Jazyp qana qoimai, män-jaidy közben körıp, “qūr” uäde berıp te attanǧanbyz. Abyroi bolǧanda, uädemız Respublikalyq “Jebeu” ūiymynyŋ aralasuymen künı keşe oŋ şeşımın tapty. Būl quanyşty atalǧan ūiymnyŋ saity bırınşı bolyp habarlady.(Tolyq sılteme: http://jebeu.kz/e/action/ShowInfo.php?classid=5&id=1244&fbclid=IwAR1VebYN6P6qxg6fPg-WLizJdsDElQX-SInRtTDYqd28OKlwQmuA39I9C2Q) Alaida būl Berzat otbasyn tolyq qandy QR azamaty boldy degendı bıldırmeidı. Kerısınşe Qytai Halyq Respublikasynyŋ su jaŋa qyzyl pasporty qolǧa tidı degen söz. Bıraq, mūnyŋ özıne şükırlık etuge, süiınşı sūrauǧa tura kelıp tūr. Sebebı B.Jūmaǧazynyŋ otbasyndaǧy būǧan deiıngı barlyq qūjattarynyŋ uaqyty ötıp, zaŋdyq tūrǧydan müldem jaramsyz küige tüsken-dı. Zaŋǧa salsaŋyz Qytai asyp kerı qaitudan basqa läj joq tūǧyn. Däl osy tyǧyryqtan aman şyqqanynyŋ özı – bır olja. Aldaǧy uaqytta qūjattaryn aman-esen qolyna alǧan Berzat otbasynyŋ QR azamaty atanu tükte qiyn şarua emes. Ärı ketse jarty jylda Qazaqstannyŋ tölqūjattaryn qoldaryna ala alatyn bolady. Qariialar mūndaidy: “Istıŋ betı oŋǧa būryldy” – deuşı edı. Oŋǧa būrylmai qaitsın, barlyq mäsele oŋ şeşımın tauyp jatsa… Erekşe aita keter bır jai bar. Negızı Berzat Şyǧys Qazaqstan öŋırınde tūraqty mekendegen. Qūjattarynyŋ da uaqyty sonda ötken. Tıptı, Qazaqstanda düniege kelgen balalary jetımder üiıne tapsyrylyp, özderı Qytaiǧa quylu qaupı tönıp tūrǧan tūsta, qoǧam belsendısı, qandastar arasynda qor qūryp, qaiyrymdylyq ıs-şarasymen ainalysyp jürgen – Bahargül Tabysqyzy esımdı azamatşa araşa tüsedı. Şyǧystan aldyryp, päterın jaldap, ailyq ışıp-jemın de aiyryp beredı. Tıptı, “Adyrna” bırlestıgınıŋ aralasuyna, BAQ betıne Berzat otbasynyŋ mäselesı köterıluıne deiın osy azamatşanyŋ tıkelei yqpaly boldy. Söz soŋynda, “Adyrna” bırlestıgıne ümıt artyp, araşa sūraǧan barşa aǧaiynǧa, Bahargül hanym men ekı el arasynda beibıt kelısımge kelıp, jüielı jūmys jasaǧan “Jebeu” ūiymyna da alǧys bıldırgendı jön körıp otyrmyz. Köş kölıktı bolsyn aǧaiyn!