Taiauda 16 jastaǧy ūlynan qapyda aiyrylyp qalǧan aitysker aqyn Serıkzat Düisenǧazy barşa halyqqa alǧysyn aitty, dep habarlaidy «Adyrna» tılşısı.
«Kütpegen oqys jaǧdaidan estı endı ǧana jiyp otyrǧan jaiym bar. Mūndai auyr synaqty Alla eşkımnıŋ basyna bermesın. Qaiǧyrǧanǧa basu aityp, qamyqqanǧa aqyl aityp jürgen adam bolsam da jürekke jazylmas syzat tüstı. Endı onyŋ emı tek Allanyŋ tura joly, İslamnyŋ iman bailyǧy ǧana bolar. Taǧdyrǧa iman keltırgen mūsylmanbyz ǧoi. Bergenıne şükırlık qylǧan Allaǧa alǧanyna küpırlık qylmaimyz. Aldymen osy eŋ qiyn sätımde qūlynşaǧymnyŋ qaiǧysyn bölısken barşa qazaq halqyna perzenttık häm äkelık alǧysymdy aitamyn. Töbesıne kötergen qara orman halqym bolmasa eşkım emes ekenımdı bılemın. Alla jazsa, endı qalǧan ǧūmyrymda qazaǧymnyŋ keleşegı üşın qyzmet etıp ötermın. Men Prezident Qasym-Jomart Kemelūlymen kezdesıp söilesken adam emespın. Basyma qaiǧy tüskende ony Memleket basşysynyŋ bölıskenın azamattyq dep sanaimyn. Älı ömırdıŋ ülken esıgın aşyp ülgermegen perışte balam üşın menımen bırge qaiǧyryp, köŋıl aitu hattaryn joldaǧan Prezident äkımşılıgıne, Ükımet müşelerıne, deputtattarǧa, oblys äkımderıne, rektorlarǧa, aqparat qūraldarynyŋ basşylaryna, Bas müfti bastaǧan dın qyzmetkerlerıne rahmetımdı aitamyn. Tılek-nietterıŋız Qūdaidan qaitsyn!»—dedı ol.Filologiia ǧylymdarynyŋ kandidaty jalǧyz ūlynyŋ tärbiesıne erekşe köŋıl bölgenın atap öttı.
«Jalǧyz ūlym bolǧan soŋ marqūm Älihanymnyŋ boiyna er azamatqa tän barlyq qasietterdı sıŋırıp ösıruge tyrystym. Özım qandai da bır jaqsy ortaǧa barsam ertıp aparyp körsetıp jüretınmın. Ekeumız qolymyz bos uaqytta atqa mınıp, balyq aulaitynbyz. Jazdy künderı tauǧa şyǧyp, kölge şomylsaq, qysty künderı konki men şaŋǧy tebetınbız. Kışkentai künınen qalaǧan kıtaptaryn satyp äperıp bılımdı boluǧa tärbieledık. Qazaqtyŋ halyq ertegılerınen, balalar ädebietınıŋ ozyq ülgılerınen, tanymdyq ensiklopediialardan özınıŋ jeke kıtaphanasyn jasaqtadyq. Qūrannyŋ älıppesın tanytu üşın ekı jyl «Äzıret Sūltan» meşıtınıŋ jazǧy imandylyq kurstarynda oqyttym. Nätijesı jaman bolǧan joq. Jetınşı synypqa deiın №48 mektep-liseide bılım aldy. Jetınşı synypta №9 «Zerde» daryndy balalar mektebıne qabyldandy. Sol mekteptıŋ myqty ūstazdarynyŋ arqasynda boiyndaǧy ǧalymdyq qabıletı aşyldy. Fizika, informatika, robototehnika salalary boiynşa ötken qalalyq, respublikalyq, halyqaralyq olimpiadalar men ǧylymi jobalardyŋ jiyrmadan asa saiysynda olja saldy. Joǧary matematika men fizikany jaqsy meŋgerdı. Tıptı, onyŋ jasaǧan önertapqyştyq jobalaryn ötken jazda «Qazaqstan» ūlttyq arnasy tüsırıp, efirden körsetkenın endı ǧana bılıp otyrmyn. Maǧan ol turaly özı aitqan joq. Maqtanǧandy ūnatpaityn. Armany Nikola Tesla siiaqty injener-önertapqyş ǧalym bolu edı. Aldaǧy aqpan aiynda jiyrma üş memleket qatysatyn halyqaralyq «Jäutıkov» olimpiadasynyŋ oqu-jattyǧu daiyndyǧynan tolyq ötken-tūǧyn. Endı medal äkeledı dep kütıp jürgende osyndai jaǧdaiǧa duşar boldyq. Älihanymnyŋ täp-täuır aqyn bolǧanyn da ötkende ūstazdary jıbergen öleŋderınen tanydym. Būrynyraqta balaŋ öleŋder jazyp jürgenın bıletınmın. Öleŋdı qazaqşa da, orysşa da jazatyn. Äsırese, orys tılı mūǧalımı jıbergen keiıngı öleŋderınen qalyptasqan aqynnyŋ qoltaŋbasyn körıp aŋ-taŋ bolyp otyrmyn. Ol öleŋderdı keiınırek osy jelıge salamyn»,—dedı Serıkzat Düisenǧazy.Aituynşa, 16 jastaǧy Älihannyŋ qazasyndaǧy keibır tūstar älı küŋgırtteu bolyp tūr.
«Ol şaŋǧyny öte jaqsy tebetın. Aǧaşqa qandai jaǧdaida soǧylǧany beimälım. Sol soŋǧy ret tauǧa köterılıp bara jatqanyn anasy tüsırgen video bar. Ary qarai ne bolǧanyn bız bılmeimız. «Elıktı» şaŋǧy bazasynyŋ qyzmetkerlerı bır jarym saǧattai qūlaǧan balany taudan tömenge tüsırmei, alǧaşqy medisinalyq kömek körsetpei tyǧyp ūstaǧany kökeige küdık ūialatady. Sondyqtan oqiǧa bolǧan sättı körgen kuägerlerdı ızdep jatqanymyz ras. İä, balamyz endı qaityp oralmas. Bıraq basqa adamdar da bızdıŋ küiımızdı keşpese eken dep alaŋdaimyz. Sebebı, şaŋǧy bazasynda eşqandai tehnikalyq qauıpsızdık saqtalmaǧan. Myŋdaǧan adam syrǧanap jatqan jerde alǧaşqy kömek körsetetın därıgerlerı de joq. Ol bylai tūrsyn, balasyn joǧaltyp şyryldaǧan ata-anaǧa eşkım jauap bermei, bır-bırıne sıltegenın qalai tüsınemız? Sol «Elıktı» eşteŋe bolmaǧandai älı jūmys ıstep tūrǧan körınedı. Bızdıŋ elde adamnyŋ qūny joq ekenı, eşkım eşteŋege jauapty emes ekenı osydan-aq bılınbei me? Sondyqtan bızdıŋ memlekettık organdar osyndai demalys oryndarynyŋ tehnikalyq qauıpsızdıgın tekseru kerek dep sanaimyn. Ony būqaralyq aqparat qūraldary tüsırıp, halyqqa jariialau kerek. Onsyz da at töbelındei az qazaqpyz. Qyryp tastai beretın artyq adam joq bızde! Alla Taǧala qara orman qazaǧymdy aman qylsyn! Kışkentai Älihanymnyŋ jetpegen ūly armanyna jetetın ūrpaq köp boluyn tıleimın!»—dedı aqyn.
Ūqsas jaŋalyqtar
