Shyǵys Qazaqstan oblysynda 6 aı buryn joǵalyp ketken áıeldiń denesi tabyldy. Bul týraly ShQO polıııa departamenti baspasóz qyzmeti málimdedi, dep habarlaıdy “Adyrna” tilshisi.
Málimetke súıensek, 47 jastaǵy áıel 2022 jyldyń tamyz aıynyń ortasynda keshki ýaqytta jumystan shyǵyp, sol kúıi habar-osharsyz ketken.
Habar túsken soń tártip saqshylary men eriktiler áıeldi izdeýge jumyldyryldy.
Alaıda ony tabý múmkin bolmady. Áıel adam Ulan aýdany Bozanbaı aýylynda turǵan.
"2023 jyldyń qańtarynda joǵalǵan áıeldiń denesi tabyldy. Qazirgi ýaqytta QR Qylmystyq Kodeksiniń 99-babymen (adam óltirý) sotqa deıingi tergeý amaldary bastaldy", - delingen aqparatta.
Vedomstvo ókilderi Ulan aýdany turǵynynyń denesi qaıdan tabylǵany, qandaı jaraqattan kóz jumǵany týraly málimet bermedi.
"Basqa aqparat berýge zań sheńberinde tyıym salynǵan. Sebebi bul proeske qatysýshylardyń quqyqtary men zańdy múddeleriniń buzylýyna ákelip soǵady", - delingen habarlamada.
