Memleket basshysy Qasym-Jomart Toqaev BAÁ vıe-prezıdenti, premer-mınıstri, Dýbaı ámirliginiń bıleýshisi sheıh Muhammed ben Rashıd ál Maktýmmen kezdesti. Bul týraly Aqordanyń baspasóz qyzmeti jarııalady, dep habarlaıdy “Adyrna” ulttyq portaly.
Prezıdent qonaqjaılyq kórsetkeni úshin sheıh Muhammed ben Rashıd ál Maktýmǵa alǵys aıtyp, Birikken Arab Ámirlikterine jasaǵan resmı sapary aıasynda nátıjeli kelissózder júrgizilgenin jáne eki el arasynda mańyzdy ekijaqty kelisimderge qol jetkizilgenin atap ótti.
Áńgimelesý barysynda Prezıdent Qasym-Jomart Toqaev "Astana" halyqaralyq qarjy ortalyǵy Ámirlikterdiń basty qarjy ınstıtýttarymen qarym-qatynas ornatqanyna toqtalyp, eki eldiń isker toptary arasyndaǵy baılanysty jandandyrý máselesine nazar aýdardy.
Óz kezeginde sheıh Muhammed ben Rashıd ál Maktým Qazaqstan men Ámirlikter arasyndaǵy ekonomıkalyq yntymaqtastyqty odan ári nyǵaıtýǵa nıetti ekenin jetkizdi.
Kezdesý sońynda Memleket basshysy Qasym-Jomart Toqaev BAÁ vıe-prezıdenti, premer-mınıstri, Dýbaı ámirliginiń bıleýshisin Qazaqstanǵa resmı saparmen kelýge shaqyrdy. Sheıh Muhammed ben Rashıd ál Maktým Prezıdenttiń shaqyrýyn qabyl alyp, Qazaqstanǵa sapar shegý zor mártebe ekenin aıtty.
