Memlekettik kirister komıteti men Kaspi.kz salyq organdarynyń ekinshi deńgeıdegi banktermen ózara is-qımyly aıasynda qazaqstandyq bıznes úshin pılottyq jobany iske asyrýda. Bul joba kásipkerlerge bir qurylǵyda kassa men tólemdik POS-termınaldy tegin alýǵa múmkindik beredi.
Kaspi.kz-tiń basshysy ári negizin qalaýshylardyń biri Mıhaıl Lomtadze:
«Qarjy mınıstrligimen jáne Memlekettik kirister komıtetimen birlesip, biz jańa Kaspi Kassa biregeı servısin ashtyq, onyń úsh qarapaıym artyqshylyǵy bar. Birinshiden, Kaspi Kassa – tolyqtaı tegin servıs. Ekinshiden, servısti tikeleı Kaspi Pay qosymshasynda nebári 1 mınýt ishinde onlaın qosýǵa bolady. Úshinshiden, kez kelgen ádispen tólegen kezde barlyq chekter avtomatty túrde jasalady. Ótken jyly biz pılottyq jobany iske qosyp, súıikti klıentterimizden kóptegen jaqsy pikirler aldyq. Bıyl biz Kaspi Kassa pılottyq jobasyn ulǵaıtýdy jalǵastyramyz. Qarjy mınıstrligi men Memlekettik kirister komıtetindegi áriptesterimizge birlese jumys atqarǵany úshin taǵy da alǵys bildiremin. Osy jobanyń kómegimen biz qazaqstandyq kásipkerler, ásirese shaǵyn jáne orta bıznes kompanııalary úshin bıznesti júrgizý jaǵdaılaryn birge jeńildetip, jaqsarta alatynymyzǵa senimdimin», - dep pikirin bildirdi.
Azamat Panbaev, QR QM Memlekettik kirister komıteti tóraǵasynyń orynbasary:
«Memlekettik kirister komıteti fıskaldyq derekterdi tegin berýdiń balama nusqasy máselesin pysyqtady. Nátıjesinde kásipkerlerdiń shyǵynyn qysqartýǵa jáne fıskaldyq chek berýdi ońaılatýǵa baǵyttalǵan ekinshi deńgeıdegi banktermen osy mehanızmdi synaqtan ótkizý úshin pılottyq joba iske qosyldy. Buryn JK kassalyq qurylǵy úshin, ony qosý jáne qyzmet kórsetý úshin, sondaı-aq fıskaldyq derekter operatorynyń qyzmeti úshin bólek aqy tóleıtin. POS-termınaldardyń múmkindikterin keńeıtý arqyly kásipkerler mundaı shyǵyndardy qysqarta alady. Munyń bári Komıtet júzege asyratyn servıstik model tujyrymdamasy aıasynda júzege asyrylady».
Ashat Kabdýlov, jeke kásipker, LOFT barbershop:
«Buryn biz basqa provaıderdiń onlaın-kassasyn qoldanatyn edik. Aldymen ony uzaq ýaqyt qosyp, EQ parolderin engizetinbiz, onda únemi bir aqaýlar bolatyn. Sodan keıin kassır barlyq chekti qolmen toltyratyn, buǵan kóp ýaqyt ketetin. Onyń ústine bul qyzmet úshin aqy tóleýge týra keletin. Kaspi Kassany biz birneshe sekýnd ishinde tegin qostyq, sondaı-aq ony paıdalanǵanymyz úshin eshteńe tólemeımiz. Al klıentterimiz Kaspi Gold nemese Kaspi QR arqyly tólegen kezde, Kaspi Kassa chekterdi ózi jasaqtap, olardy klıentterge Kaspi.kz qosymshasyna avtomatty túrde jiberedi. Bul tólemderdi qabyldaý boıynsha eńbek shyǵynymyzdyń týra 80%-ǵa qysqarǵanyn bildiredi!»
Kasymhan Alı, jeke kásipker, oqytýshy:
«Maǵan tegin kassany áp-sátte qosýǵa bolatynyn, endi chekterdi qolmen toltyrýdyń qajeti joq ekenin aıtqan kezde, men senbedim. Munyń shyndyq ekenine seni múmkin emes! Men birden býhgalterimizge, Kaspi.kz-ke, salyq organyna telefon soqtym. Bul ras bolyp shyqty! Qostyq, qoldanyp júrmiz, óte yńǵaıly. Kaspi Kassamen barlyq tólemderdi avtomattandyrdyq, bul rasymen de qýantady!»
Kaspi Kassa – bul Kaspi Pay mobıldi qosymshasyndaǵy tegin servıs, ol Kaspi POS, basqa banktiń POS-termınaly arqyly jáne qolma-qol aqshamen tólem qabyldaǵannan keıin fıskaldyq chekterdi qalyptastyrady. Servısti 1 mınýt ishinde onlaın qosýǵa bolady. Jańa Kaspi Kassa servısiniń kómegimen QR arqyly, qolma-qol aqshamen, kartamen nemese qashyqtan aqy qabyldaýǵa bolady. Aqshalaı esep aıyrysýdyń barlyq túrleri boıynsha onlaın-chekter avtomatty túrde qalyptastyrylady jáne Memlekettik kirister komıtetine jiberiledi jáne munyń bári tegin. Kásipkerler úshin bul jumysty jeńildetedi jáne shyǵyndaryn únemdeıdi. Memlekettik kirister komıtetine «kóleńkeli» ekonomıkamen kúresýge jáne bıýdjet kirisin arttyrýǵa kómektesedi.
Pılottyq jobanyń alǵashqy kezeńinde Kaspi Kassany «Qyzmetter» sanatynda jumys isteıtin kásipkerler qosa alady. Jaqyn arada taýarlar nomenklatýrasyn qosa otyryp, Kaspi Kassa barlyq kásipkerler úshin qoljetimdi bolady. Servıs týraly tolyǵyraq Kaspi Gıdten qarańyz.
"Adyrna" ulttyq portaly
