"Partiialar – azamattyq qoǧamnyŋ basty tıregı". Būl turaly Memleket basşysy Qasym-Jomart Toqaev Parlament Senatynyŋ otyrysynda aitty, dep habarlaidy "Adyrna" ūlttyq portaly baq.kz-ke sılteme jasap.
Jaqynda ǧana Mäjılıs pen mäslihattarǧa sailau nauqany öz jūmysyn bastady. Būl negızgı memlekettık instituttardy keşendı türde jaŋǧyrtudyŋ soŋǧy satysy bolmaq. Mäjılıs pen mäslihattardyŋ aralas modelın qalyptastyruǧa köşıp jatyrmyz. Barlyq äleumettık toptyŋ müddesın qorǧau tūrǧysynan mūnyŋ mänı zor. Būl özgerıs ökıldı bilık tarmaqtarynyŋ barlyq deŋgeiıne aitarlyqtai yqpal etedı.Soŋǧy jyldary jürgızılgen saiasi özgerıster, sailau zaŋnamasyn maqsatty türde liberaldandyru Qazaqstanda partiia qūru ısıne tyŋ serpın berdı. Ūzaq uaqyttan berı elımızde alǧaş ret bırneşe jaŋa partiia resmi türde tırkeldı. Atalǧan derektı aralyq qorytyndy retınde atap ötuge bolady, - dedı Prezident.Ol būl – alǧa qarai jasalǧan maŋyzdy qadam ekenın aitty.
Saiasi jüienı ornyqty damytu ısınde partiialar maŋyzdy röl atqarady. Osy oraida, elımızge jauapkerşılıgı joǧary partiialar qajet. Olar halyqtyŋ müddesın tiımdı qorǧai bıluge tiıs. Sondai-aq, memleket tūǧyryn nyǧaitu jäne el bırlıgın saqtau mäselesın bärınen biık qoiuy kerek. Partiialar azamattyq qoǧamnyŋ basty tıregı boluǧa tiıs. Jūrtşylyqtyŋ talap-tılegıne jete män berıp, jüielı jūmys jürgızuı qajet. Öz baǧdarlamasyn zaŋdy joldarmen ıske asyruy kerek. Saiasatkerlerdıŋ jaŋa şoǧyryn qalyptastyryp, olardy elge tanytu da maŋyzdy,- dedı ol.
"Adyrna" ūlttyq portaly
