"Partııalar – azamattyq qoǵamnyń basty tiregi". Bul týraly Memleket basshysy Qasym-Jomart Toqaev Parlament Senatynyń otyrysynda aıtty, dep habarlaıdy "Adyrna" ulttyq portaly baq.kz-ke silteme jasap.
Jaqynda ǵana Májilis pen máslıhattarǵa saılaý naýqany óz jumysyn bastady. Bul negizgi memlekettik ınstıtýttardy keshendi túrde jańǵyrtýdyń sońǵy satysy bolmaq. Májilis pen máslıhattardyń aralas modelin qalyptastyrýǵa kóship jatyrmyz. Barlyq áleýmettik toptyń múddesin qorǵaý turǵysynan munyń máni zor. Bul ózgeris ókildi bılik tarmaqtarynyń barlyq deńgeıine aıtarlyqtaı yqpal etedi.Sońǵy jyldary júrgizilgen saıası ózgerister, saılaý zańnamasyn maqsatty túrde lıberaldandyrý Qazaqstanda partııa qurý isine tyń serpin berdi. Uzaq ýaqyttan beri elimizde alǵash ret birneshe jańa partııa resmı túrde tirkeldi. Atalǵan derekti aralyq qorytyndy retinde atap ótýge bolady, - dedi Prezıdent.
Ol bul – alǵa qaraı jasalǵan mańyzdy qadam ekenin aıtty.
Saıası júıeni ornyqty damytý isinde partııalar mańyzdy ról atqarady. Osy oraıda, elimizge jaýapkershiligi joǵary partııalar qajet. Olar halyqtyń múddesin tıimdi qorǵaı bilýge tıis. Sondaı-aq, memleket tuǵyryn nyǵaıtý jáne el birligin saqtaý máselesin bárinen bıik qoıýy kerek. Partııalar azamattyq qoǵamnyń basty tiregi bolýǵa tıis. Jurtshylyqtyń talap-tilegine jete mán berip, júıeli jumys júrgizýi qajet. Óz baǵdarlamasyn zańdy joldarmen iske asyrýy kerek. Saıasatkerlerdiń jańa shoǵyryn qalyptastyryp, olardy elge tanytý da mańyzdy,- dedi ol.
"Adyrna" ulttyq portaly
